Það var líka fleira nýtt sem við fengum að sjá fyrir utan Vedbæk, við vorum nefnilega að hitta litla Kjartan í fyrsta sinn. Við færðum honum að gjöf litla skó með bjöllu í sem á að hvetja börn til að grípa í fæturna og þannig þroska hreyfingar sína. Okkur fannst við kræf að gefa fjögurra mánaða barni skó sem ætlaðir eru níu mánaða en aldeilis ekki, þeir voru of litlir! Hversu lítil númer eru þetta? Eða hversu stór er Kjartan?
Eftir stórgóðar pönnsur með jarðarberjasultu og rjóma, skemmtilegt spjall og túr um huggulegu íbúðina kvöddum við þau skötuhjú og kút og héldum aftur heim í Nordvest. Þó sveitakyrrðin sem svífur yfir vötnum við Vedbæk sé frábær tilbreyting frá hávaðanum í borginni á ég samt erfitt með að ímynda mér hvernig ég færi að hefði ég ekki allt þetta sem ég hef - grænmetissalann, bakaríið, bókasafnið, ræktina - hér í næstu húsum. Ég býst við að ég sé algjört borgarbarn.
Hér stend ég fyrir framan loppemarked-inn 
Beðið eftir vagni 195 - þá er gott ráða að gretta sig smá
Sá sæti í bjölluskónum
2 ummæli:
Takk fyrir síðast, þetta var mjög gaman.
Verð að hryggja ykkur með því að Mariehøjcenteret er í Gl. Holte, og þetta er nú bara lestarstöðin í Vedbæk. Samt mjög líklegt að fólk úr Mariehøjcenteret hafi verið með loppumarkað þarna ;)
Þá er víst komið að okkur að hætta okkur úr sveitasælunni í ys og þys borgarinnar. Það kemur vonandi með hækkandi sól.
Takk sömuleiðis :)
Þið eruð alltaf velkomin í Nordvest, við hlökkum bara til hækkandi sólar.
Ætli ég leiðrétti ekki þetta með Mariehøjcentret, einhver hefur slegið ryk í augu okkar með því að setja upp skilti um að þetta væri það og við, óvön sveitafólki, trúðum þessu alveg. En lestarstöð er þetta víst og ekkert verra fyrir það. Allavega gátum við slegið tímann í hel á meðan við biðum eftir vagninum, sáum þó ekkert spennandi til sölu fyrir utan silfurkamb, notaðan - keyptum'ann ekki.
Skrifa ummæli