Við fórum í smá bæjarferð þessa helgina. Við keyptum okkur strætókort í síðasta mánuði (#þvílíkurlúxus! #bæbæhjól #sæjonaraGulsetbrekka) og síðan þá erum við búin að njóta þess að rúnta um í hlýjum vagninum. Svo föttuðum við að við gætum heimsótt nágrannabæinn Porsgrunn ef við kærðum okkur um, en því nenntum við aldrei á hjólunum.
Aðalaðdráttaraflið í Porsgrunn fyrir okkur voru súpermarkaðirnir Coop Extra og ICA. Við verslun iðullega í hverfisversluninni okkar og þurfum að gera okkur að góðu takmarkað úrvalið þar. En hér! Svo mikið til! Við vorum eins og krakkar í dótabúð, enda komum við heim með poppvél.
Þegar við snerum heim úr leiðangrinum hafði snjóað uppá Gulset. Við sporuðum út þennan nýfallna snjó og fórum inn að búa til baunaborgara. Skiptum kjúklingabaunum út fyrir adukibaunir og þeir urðu geggjaðir.
Poppuðum síðan í nýju vélinni og köfnuðum næstum þegar þurrt poppið festist í hálsinum. Meira smjör, pottþétt meira smjör.
Blue Steel í búðinni
Hvað sagði ég ekki? Úrval!
Lompur & lefsur
Smurðar lefsur og kakómjólk
Rósir fyrir mæðradag
Gulset
Baunabuff í verkun
Adukibaunabuff
Aðeins að kíkja í vinnuna
Lítil en öflug
Grískar ólívur
Ofnbakað chili spagettí
Engin ummæli:
Skrifa ummæli