Hot town summer in the city. Það er alltaf gott að koma til útlanda og slaka svolítið á í rúmlega 30 stiga hita. Hins vegar er svolítið annað að vinna við slíkar aðstæður. Maður notar hverja afsökun til að vinna á svæðum þar sem skuggans nýtur við. Hvaða skugga?
Back of my neck getting dirty and gritty. Eðlilega sný ég andlitinu frá hnöttótta eldfjallinu á skýlausum himninum og ber hálsinn þess greinileg merki. Ég er orðinn harðlínu redneck, með dökkbrúnan háls og sjálflýsandi stuttbolafar yfir allan búkinn.
Been down isn't it a pity. Veit nú ekki alveg hvernig ég á að samhæfa við þessa línu í laginu þar sem ég hef bara alls ekkert verið neitt down og finnst það ekki slæmt. Væri samt alveg til í fleiri ský.
Höldum áfram með lagið frá The lovin' spoonful: Doesn't seem to be a shadow in the city. All around, people looking half dead. Walking on the sidewalk, hotter than a match head. Þessi júlímánuður er sá heitasti og sólríkasti í Danmörku síðan 1955. Mér skilst að meðalhitinn sé t.d. 5°C hærri en í fyrra. Já, MEÐALHITINN!
Ég er allavega að stikna og væri alveg til í að þetta þrumuveður sem er búið að lofa í þrjár vikur láti kræla á sér. Ég elska þrumur og eldinga og svo er vatnið líka gott fyrir gróðurinn.
2 ummæli:
Þrælgott lag og stútfullt af stemmningu. Mér finnst þrumuveður líka það yndislegasta sem til er ekki síst af því það kemur alltaf ofan í svona langan og þungan mollukafla. Hitinn er bara alveg ágætur ef maður er nálægt hafi. Redneck, redskin, whatever.
Knúsímús.
Já það er stemning í þessu lagi og redskin er eiginlega svalara en redneck. Ég bíð með eftirvæntingu eftir þrumuveðrinu.
Skrifa ummæli