Við erum núna komin í farsímasamband.
Baldur: +45 60 70 33 39
Ásdís: +45 60 70 33 49
miðvikudagur, 31. ágúst 2005
þriðjudagur, 30. ágúst 2005
Field's og froskar
Við kíktum í verslunarmiðstöðina Field's í dag. Hún líkist Smáralindinni að því leyti að gangarnir eru víðir og rúmt er um mann en þar endar samanburðurinn enda Field's mun stærri en Smáralindin. Ferðin var aðallega farin fyrir forvitnissakir.
Við fundum heilsuverslun sem því miður seldi mest lítið af þeim varningi sem við erum vön að kaupa í heilsuverslunum heima. Leitin að almennilegri heilsuverslun heldur því áfram. Við rákumst einnig á verslunina Olíur og edik sem sérhæfir sig einmitt í olíum og ediki. Þá er töluvert af tískuverslunum í kjarnanum og keypti ég mér pils og tösku í Vero Moda.
Úr Field's héldum við yfir til Stellu og Kristjáns og hjálpuðum þeim að bera upp tonnið. Okkur tókst líka að koma upp hillum í stofunni og við Stella röðuðum bókum í þær eftir kúnstarinnar reglum á meðan strákarnir komu upp skrifborði í gesta/barnaherberginu. Við hjóluðum síðan heim seint um kvöld í rökrinu og voru fegin luktunum sem við höfðum fyrr um daginn fest kaup á í Bilka.
Ps. Við gleymdum myndavélinni okkar heima þennan dag svo við birtum engar myndir en bendum á myndasíðu froskanna.
Við fundum heilsuverslun sem því miður seldi mest lítið af þeim varningi sem við erum vön að kaupa í heilsuverslunum heima. Leitin að almennilegri heilsuverslun heldur því áfram. Við rákumst einnig á verslunina Olíur og edik sem sérhæfir sig einmitt í olíum og ediki. Þá er töluvert af tískuverslunum í kjarnanum og keypti ég mér pils og tösku í Vero Moda.
Úr Field's héldum við yfir til Stellu og Kristjáns og hjálpuðum þeim að bera upp tonnið. Okkur tókst líka að koma upp hillum í stofunni og við Stella röðuðum bókum í þær eftir kúnstarinnar reglum á meðan strákarnir komu upp skrifborði í gesta/barnaherberginu. Við hjóluðum síðan heim seint um kvöld í rökrinu og voru fegin luktunum sem við höfðum fyrr um daginn fest kaup á í Bilka.
Ps. Við gleymdum myndavélinni okkar heima þennan dag svo við birtum engar myndir en bendum á myndasíðu froskanna.
mánudagur, 29. ágúst 2005
Bakken
Í gær fórum við í skemmtigarðinn Bakken. Að sjálfsögðu voru keyptir heilsdagsmiðar til þess að hægt væri að prófa sem flest tæki. Þegar við vorum orðin þreytt á öllum hamaganginum var mjög þægilegt að geta gengið út úr garðinum og í rólegt og þægilegt skógarsvæði. Slík rólegheitaganga dugði til þess að hlaða batteríin til þess að snúa aftur í húllumhæið.
Í heildina fórum við 17 ferðir og voru margar þeirra allsvakalegar. Síðla kvölds snerum við svo heim glöð í bragði, lúin og annað okkar sjóveikt.
Í heildina fórum við 17 ferðir og voru margar þeirra allsvakalegar. Síðla kvölds snerum við svo heim glöð í bragði, lúin og annað okkar sjóveikt.
Time is fun when you're having flies
Í dag eru komnar fjórar vikur síðan við fluttum inn á Frederikssundsvej og þar með fjórar vikur sem við höfum verið hér í Köben. Tíminn hefur tilhneigingu til að líða ótrúlega hratt þegar mikið er um að vera.
laugardagur, 27. ágúst 2005
Froskar í mat
Í kvöld buðum við froskunum í mat og var þemað blandað: ítölsk súpa, grískt feta-salat og danskur Valhallarís í eftirrétt, bar ísinn nafnið Baldur. Var kvöldið hið skemmtilegasta og fannst gestunum þægilegt að geta staldrað svo lengi í IKEA-sýningarbásnum, sem íbúðin okkar er, og prufað allt í rólegheitunum.
föstudagur, 26. ágúst 2005
Útskrift og "froskabúrið" hreinsað
Þá er ég búin að útskrifast úr dönskunámskeiðinu og fékk þetta fína plagg því til sönnunar. Á því segir m.a. að Ásdis Maria Elfarsdôttir (skemmtileg stafsetning) hafi sótt "intensive language instruction course in Danish focussing on oral expression and listening comprehension and has successfully passed the final examination."
Við þau ykkar sem hafa hug á því að fara í skiptinám við KU mæli ég eindregið með þessu dönskunámskeiði. Kennslan er frábær og skilar virkilegum árangri, einkum er kemur að tal- og hlustunarþjálfun.
Seinna um daginn fórum við síðan að kíkja á Stellu og Kristján og nýju íbúðina þeirra. Þau höfðu beðið okkur um aðstoð við þrif á íbúðinni og þegar við komum á staðinn skildum við af hverju: íbúðin er risastór! Hún var þó ekki nándarnærri eins skítug og við höfðum gert okkur í hugarlund og því sóttist okkur fjórum verkið vel.
Þau buðu okkur síðan upp á dýrindis flatböku fyrir vel unnin störf og síðan var skrafað fram eftir kvöldi. Einstaklega skemmtilegt kvöld og til hamingju með nýju íbúðina Stella og Kristján, hún er virkilega skemmtileg.
Hér er flatbakan góða.
Við þau ykkar sem hafa hug á því að fara í skiptinám við KU mæli ég eindregið með þessu dönskunámskeiði. Kennslan er frábær og skilar virkilegum árangri, einkum er kemur að tal- og hlustunarþjálfun.
Seinna um daginn fórum við síðan að kíkja á Stellu og Kristján og nýju íbúðina þeirra. Þau höfðu beðið okkur um aðstoð við þrif á íbúðinni og þegar við komum á staðinn skildum við af hverju: íbúðin er risastór! Hún var þó ekki nándarnærri eins skítug og við höfðum gert okkur í hugarlund og því sóttist okkur fjórum verkið vel.
Þau buðu okkur síðan upp á dýrindis flatböku fyrir vel unnin störf og síðan var skrafað fram eftir kvöldi. Einstaklega skemmtilegt kvöld og til hamingju með nýju íbúðina Stella og Kristján, hún er virkilega skemmtileg.
Hér er flatbakan góða.
fimmtudagur, 25. ágúst 2005
Þreyti próf
Nú tekur að líða að lokum þessa dönskunámskeiðs sem ég hef sótt undanfarnar þrjár vikur. Þessi tími hefur verið dásamleg endurupplifun á unglingsárunum með sínum dönskukennslustundum, dönskustílum og dönskuhlustunaræfingum. Skóladagurinn hefst kl. 9 og honum lýkur kl. 12:30 og þá er maður frjáls fram eftir degi eða þar til kemur að því að sinna heimanáminu en það tekur yfirleitt ekki meira en 30 mínútur.
Þessi stundaskrá hefur fært mig inn í ansi þægilega rútínu en nú sér fyrir endann á henni í bili því síðasti skóladagurinn er á morgun. Við í bekknum tókum nefnilega próf í dag og á morgun er síðan "útskriftin". Mér finnst ég vera að endurupplifa menntaskólaárin út í gegn og fíla það í tætlur.
Þessi stundaskrá hefur fært mig inn í ansi þægilega rútínu en nú sér fyrir endann á henni í bili því síðasti skóladagurinn er á morgun. Við í bekknum tókum nefnilega próf í dag og á morgun er síðan "útskriftin". Mér finnst ég vera að endurupplifa menntaskólaárin út í gegn og fíla það í tætlur.
þriðjudagur, 23. ágúst 2005
CBS student
Nú er ég byrjaður að mæta í flotta skólann minn. Um þessar mundir stendur yfir ákveðin undirbúningsvika fyrir skiptinema. Hér eru allraþjóða kvikindi og hefur mér þegar tekist að kynnast nokkrum t.d. frá Svíþjóð, Þýskalandi, Ítalíu, Argentínu, Bandaríkjunum, Spáni og Tælandi. Þess ber að geta að mötuneytin í skólanum eru mjög góð og verðlagið sérdeilis sanngjarnt svo ekki þarf að hafa áhyggjur af sulti. Hér má skoða myndir af skólanum mínum.
mánudagur, 22. ágúst 2005
Massarnir mættir!
Já nú eru kögglarnir Baldur og Ásdís búin að finna sér fastan dvalarstað fyrir utan lögheimilið. Í dag mættum við í fyrsta skipti saman í gymmið og keyptum okkur kort. Þess ber að geta að valið var langt frá því að vera handahófskennt þar sem ég hef stundað ákveðnar vettvangsrannsóknir meðan Ásdís var á dönskunámskeiði.
Ég hef skoðað allnokkrar stöðvar hér í grenndinni og bar þessi af hvað varðar staðsetningu og aðstöðu, hún var reyndar sú langlangbesta. Stöðin er á tveimur hæðum og er neðri hæðin eins og sniðin að okkar þörfum, gúmmímottur um öll gólf, fullt af stöngum, lóðum og handlóðum.
Æfing dagsins var nú svona almenns eðlis og meira notuð til að kynnast gymminu og ná grúvinu á staðnum. Grúvið reyndist vera í góðu lagi og lóðin voru þung þ.a. við erum þrælsátt. Ekki spillir að kortin okkar eru einhvers konar stúdentakort og gilda í allar Hard Work stöðvarnar.
Ég hef skoðað allnokkrar stöðvar hér í grenndinni og bar þessi af hvað varðar staðsetningu og aðstöðu, hún var reyndar sú langlangbesta. Stöðin er á tveimur hæðum og er neðri hæðin eins og sniðin að okkar þörfum, gúmmímottur um öll gólf, fullt af stöngum, lóðum og handlóðum.
Æfing dagsins var nú svona almenns eðlis og meira notuð til að kynnast gymminu og ná grúvinu á staðnum. Grúvið reyndist vera í góðu lagi og lóðin voru þung þ.a. við erum þrælsátt. Ekki spillir að kortin okkar eru einhvers konar stúdentakort og gilda í allar Hard Work stöðvarnar.
föstudagur, 19. ágúst 2005
Rölt um Amager
Í skólanum hjá mér í dag var myndin Okay eftir Jesper W. Nielsen sýnd. Þar sem hún kvað vera gott sýnishorn af dönskum kaldhæðnishúmor fannst okkur Baldri tilvalið að kíkja á hana og sáum alls ekki eftir því enda eðalmynd á ferð.
Að myndinni lokinni röltum við frá KUA (Københavns Universitet Amager) og tókum smá hring um Amager. Við kíktum m.a. í Amager Centret og pikknikkuðum í Lergravsparken.
Þaðan héldum við síðan í átt til Amagerstrandar en hún hafði daginn áður verið vígð af Frederik krónprinsi og Mary. Margt var um manninn á ströndinni þótt liðið væri á daginn og greinilegt að margur heimamaðurinn var að taka út nýju ströndina. Einhverjir flatmöguðu í sandinum, nokkrir hugdjarfir syntu í sjónum en flestir röltu bara um í rólegheitunum og gæddu sér á einhverju góðgæti.
Við óðum í flæðamálinu og létum það duga enda ekki búin fyrir sjóbað. Við hjóluðum síðan heim úr strandparadísinni alveg í skýjunum yfir því að búa í borg sem býður upp á strönd í bakgarði manns.
Að myndinni lokinni röltum við frá KUA (Københavns Universitet Amager) og tókum smá hring um Amager. Við kíktum m.a. í Amager Centret og pikknikkuðum í Lergravsparken.
Þaðan héldum við síðan í átt til Amagerstrandar en hún hafði daginn áður verið vígð af Frederik krónprinsi og Mary. Margt var um manninn á ströndinni þótt liðið væri á daginn og greinilegt að margur heimamaðurinn var að taka út nýju ströndina. Einhverjir flatmöguðu í sandinum, nokkrir hugdjarfir syntu í sjónum en flestir röltu bara um í rólegheitunum og gæddu sér á einhverju góðgæti.
Við óðum í flæðamálinu og létum það duga enda ekki búin fyrir sjóbað. Við hjóluðum síðan heim úr strandparadísinni alveg í skýjunum yfir því að búa í borg sem býður upp á strönd í bakgarði manns.
Gerast áskrifandi að:
Færslur (Atom)