Norrænt maraþon

Í gærkvöldi fórum við í bíó. Við sáum myndirnar (já í fleirtölu) Kopps og Mors Elling. Þær voru báðar fyndnar en hvor á sinn á hátt. Ekki ætla ég að eyða fleiri orðum í þær hér og hvet fólk að horfa á þær frekar en að lesa um þær.

Í dag á Jónas Hallgrímsson afmæli og svo merkilega vill til að dagur íslenskrar tungu er líka í dag (döh). Að allt öðru. Ég var að gera uppgötvun sem gæti sparað samfélögum víða um heim mikla peninga, gæti líka skýrt eitthvað af þessum gróðurhúsaáhrifum. Eins og glöggir lesendur hafa vafalaust tekið eftir þá hefur þetta hvíta sem er úti alltaf horfið þegar ég minnist á það hér á blogginu, ég nefni það ekki núna því ég vil hafa það áfram.

Kenning mín er sú að ef fólk bloggar bara um þetta þá má sleppa nagladekkjum og mokstri. Einnig hef ég lesið að Norðurskautið og Grænlandsjökull minnki hratt og hvet ég því alla sem þar búa að hætta að blogga um þetta hvíta þó þeir eigi nóg af því.

Tweet

Vííííííí aftur!

Nú er kominn snjór aftur, vei. Eftir að ég sendi síðasta blogg frá mér þá bráðnaði fölið bara strax :( En nú er það komið aftur, sjálflýsandi og fínt. Í gær kláraði ég bókina um Pí og mikið voðalega þótti mér hún góð. Alveg þrælmögnuð.

Í morgun fórum við að lyfta. Mikið rosalega er gaman að taka vel á því. Það er reyndar skylda okkar mannfólksins að efla skrokkinn eins og vinur minn George Hackenschmidt sagði í bók sinni The way to live. Ástæðan er sú að heilbrigður líkami er eitthvað sem helst mjög í hendur við það að vera sterkur. Annars skora ég á alla að lesa a.m.k. valda kafla úr þessari einstöku bók.

Tweet

Vííííííí!

Það er kominn snjór :) Þetta er að vísu bara smá föl en það lýsir aðeins upp. Jájá sjálflýsandi snjór, tíhí.

Ég er um þessar mundir að lesa Söguna af Pí og skemmti mér konunglega. Ég er að vísu ekki alveg búinn með'ana en mæli með hverri einustu síðu sem ég hef lesið hingað til. Ég held hún henti bæði þeim sem ætla að lesa bók og hinum sem ætla ekki að lesa bók.

Tweet

Læralæralæra

Að undanförnu hef ég haft í nógu að snúast í náminu. Hópavinna og nóg að lesa. Gaman að þessu. Maður hefur þó alltaf tíma fyrir húmor:

An older lady gets pulled over for speeding...

Older Woman: Is there a problem, Officer?
Officer: Ma'am, you were speeding. Can I see your license please?
Older Woman: I'd give it to you but I don't have one.
Officer: Don't have one?
Older Woman: Lost it, 4 years ago for drunk driving.
Officer: I see...Show me your vehicle registration papers please.
Older Woman: I can't do that.
Officer: Why not?
Older Woman: I stole this car.
Officer: Stole it?
Older Woman: Yes, and I killed and hacked up the owner.
Officer: You what?
Older Woman: His body parts are in plastic bags in the trunk if you want to see.

The Officer looks at the woman and slowly backs away to his car and calls for back up. Within minutes 5 police cars circle the car. A senior officer slowly approaches the car, clasping his half drawn gun.

Officer 2: Ma'am, could you step out of your vehicle please! The woman steps out of her vehicle.
Older woman: Is there a problem sir?
Officer 2: One of my officers told me that you have stolen this car and murdered the owner.
Older Woman: Murdered the owner?
Officer 2: Yes, could you please open the trunk of your car, please.

The woman opens the trunk, revealing nothing but an empty trunk.

Officer 2: Is this your car, ma'am?
Older Woman: Yes, here are the registration papers. The officer is quite stunned.
Officer 2: One of my officers claims that you do not have a driving license.

The woman digs into her handbag and pulls out a clutch purse and hands it to the officer. The officer examines the license. He looks quite puzzled.

Officer 2: Thank you ma'am, one of my officers told me you didn't have a license, that you stole this car, and that you murdered and hacked up the owner.
Older Woman: Bet the liar told you I was speeding, too.

Don't Mess With Old Ladies!

Tweet

Of langt gengið!

Jah, sveimér þá! Nú er maður búinn að ganga til góðs í margar vikur samkvæmt blogginu. Kannski fæ ég tilnefningu til friðarverðlauna Nóbels ef ég sleppi því að droppa þessari færslu út í nokkra mánuði í viðbót. Ég sé það fyrir mér, ungur maður hlýtur tilnefningu fyrir að ganga langt. Eða eitthvað. Raunveruleikinn er samt þannig að ég gekk bara í tvo tíma og hef brallað margt síðan. Mætt í skólann, lesið heil ósköp og skilað nokkrum verkefnum. Dagarnir líða hratt og eru skemmtilegir. La vita é bella.

Tweet

Göngum til góðs

Á laugardaginn kemur stendur Rauði krossinn fyrir söfnun sem kallast Göngum til góðs. Við Baldur ætlum að ganga til góðs í Kópavoginum og mig langaði bara að hvetja lesendur síðunnar til að skrá sig í gönguna á heimasíðu Rauða krossins. Sjálfboðaliðar þurfa ekki að ganga nema í 1-2 tíma svo ekki er um mikla tímafórn að ræða fyrir hvern og einn en Rauða krossinn muna hins vegar um hvern og einn sem tilbúinn er að leggja söfnuninni lið. Svo endilega kíkið á heimasíðuna og skráið ykkur á söfnunarstöð og látið gott af ykkur leiða - þetta verður örugglega æðislega gaman!

P.s. Einstaklingarnir hér að neðan eiga það allir sameiginlegt að vera grænmetisætur ;)

Tweet

Hjartadagurinn

Í tilefni af hjartadeginum var hægt að fá lánaða skauta í skautahöllinni án endurgjalds. Þar sem ég hef aldrei farið á skauta ákvað ég að slá til þegar Ásdís stakk upp á að við kíktum. Hún hefur töluvert meiri skautareynslu en ég og gat því kennt mér aðieins á þetta.

Þegar út á svellið var komið þá gekk mér nú bara vel, missti jafnvægið þrisvar en datt bara einu sinni. Hin tvö skiptin voru líkari breikdansi þar sem ég datt ekki en snerist í allskonar hringi. Á svæðinu var svo ljósmyndari sem tók þessa mynd af okkur. Hihi. Eftir skautana skelltum við okkur í Laugardalslaug og fórum í heitu pottana og gufubað.

Ahhhhh, frábært!

Tweet

Ferðasaga seinni hluti

Dvölin í Atlavík var ekki löng því morguninn eftir pökkuðum við öllu dótinu saman og keyrðum á Egilsstaði. Þar hittum við skipuleggjendur Þjóðahátíðar, fórum í sund og fórum svo að aðstoða við undirbúning hátíðarinnar. Við vorum svo heppin að þurfa ekkert að hugsa um að tjalda því okkur var boðin gisting í grunnskólanum að Eiðum.

Daginn eftir hófust svo hátíðarhöldin og var hörkugóð mæting og góð stemmning. Um kvöldið var hátíðinni pakkað saman og þá lögðum við í hann á Mývatn. Síðla kvölds renndi blái drekinn inn á Mývatnssvæðið og beiddumst við gistingar á Bjargi. Þar dvöldumst við hjá alveg hreint frábærum náunga sem heitir Sigfús.

Á mánudeginum skoðuðum við Grjótagjá og norðlenska Bláa lónið, keyrðum til Akureyrar og tjilluðum aðeins á Bláu könnunni og brunuðum svo í bæinn.

Tweet

Hvað eiga þessir einstaklingar sameiginlegt?

Albert Einstein scientist
Alec Baldwin Actor
Alicia Silverstone Actress
Andy Kaufman actor
Angela Bassett actress
Benjamin Franklin scientist
Bill Pearl Bodybuilder
Bob Dylan Singer
Boy George Musician
Brandy singer
Brigitte Bardot Actress
Bryan Adams Musican
Buddha Religious Figure
Charles Darwin British naturalist
Chelsea Clinton Daughter of President
Damon Albarn Musician
Dan Castellaneta Voice (Homer Simpson)
Danny De Vito Actor
Daryl Hannah Actress
David Duchovny Actor
Dr. John Harvey Kellogg
Doctor Dr. Ruth Bates Sex Therpist
Dustin Hoffman Actor
Eddie Vedder Pearl Jam
Elvis Costello Musician
Erykah Badu singer
George Harrison Musician (Beatles)
George Bernard Shaw Playwright
Henry Ford ford motor company
Jean Jacques Rousseau philosopher
Jerry Seinfeld actor
Joaquin Phoenix Actor
John & Yoko Lennon Musicians
Jude Law actor
Kim Basinger Actress
Lenny Kravitz Musician
Leo Tolstoy Russian writer
Leonardo da Vinci artist
Linda McCartney Cookbook author
Liv Tyler Actress
Michael J. Fox Actor
Moby Singer
Mohandas Ghandi humanitarian
Morrissey Singer
Natalie Portman Actress
Orlando Bloom actor
Pamela Anderson Lee Actress
Paul McCartney Singer/ Activist
Peter Gabriel Musician
Peter Sellers Actor
Phil Collen Musician
Queen Sophia Queen of Spain
Reese Witherspoon actress
Richard Gere Actor
Ringo Starr Musician
River Phoenix Actor
Shania Twain singer
Sir Isaac Newton Scientist
St. Frances of Assisi saint
Steve Martin Comedian/actor
Thomas Edison Inventor
Tobey Maguire actor
Vincent Van Gogh Painter
Woody Harrelson actor

Sendið hugmyndir í tölvupósti, svar birtist innan fárra daga :)

Tweet

Ferðasaga fyrsti hluti

Á föstudaginn keyrðum við í svo að segja einu hendingskasti austur í Skaftafell. Þar stöldruðum við, fórum í gönguferð að Svartafossi og nærðumst. Þegar við vorum að renna úr hlaði kom Einar, vinur okkar úr háskólanum, hlaupandi inn í sviðsmyndina. Það kom sér vel að hitta hann þarna því hann er þaulkunnugur svæðinu og gátum við spurt hann út í leynileið sem Pétur afi benti okkur á fyrir ferðina. Hann kvað þá leið mjög góða.

Eftir að lagt var af stað úr Skaftafelli keyrðum við þjóðveg 1 þangað til komið var inn í botn Berufjarðar. Þar fylgdum við leiðbeiningum um leynileið og beygðum upp á veg sem liggur um Öxi. Það var skemmtileg leið um stórbrotið landslag og svo er hún líka helmingi styttri en venjulega leiðin. Þegar þarna er komið við sögu var nokkuð farið að rökkva og þegar við vorum komin á tjaldstæðið í Atlavík var orðið aldimmt. Okkur tókst þó að tjalda án teljandi stóráfalla og létum súpu hitna á meðan.

Framhald í næsta þætti, danndanndann-dannnn...

Tweet

Hringur hraðferð

Í þessum skrifuðu orðum erum við Ásdís að leggja af stað í ferðalag til Egilsstaða. Vegna þess hvernig Egilsstaðir eru staðsettir miðað við Reykjavík ætlum við að fara hringinn í kringum landið í leiðinni. Á Egilsstöðum er svokölluð þjóðahátíð um helgina og vonandi verður mikið fjör þar. Nánari skýrslu má vænta síðar.

Tweet

Sumarbústaðarferð

Eyddum helginni upp í sumarbústað í félagsskap skólabóka og ferðatölvu. Tilgangur ferðarinnar var að skapa rútínu fyrir önnina og byrja að lesa almennilega. Rútínan er ekki fullsköpuð en lesturinn er kominn af stað. Það getur verið gott að kúpla sig svona út lesa í næði og svo er líka svo notalegt að sitja inni í bústað meðan rigningin bylur á þaki og gluggum. Reyndar kom líka slyddu og haglél en þá varð inniveran bara enn notalegri.

Tweet

Ofurhetja fæðist

Jæja þá er skólinn kominn á fleygiferð. Honum fylgir ákveðið öryggi sem kallast stundatafla. Eins og glöggir lesendur vita þá er ég afskaplega mikill rútínumaður og finnst gott að hafa hlutina í þokkalegum skorðum, þess vegna fíla ég stundatöflur. Ahhh það er gott að vera byrjaður í skólanum. Biðst afsökunar á fyrirsögninni hún er bara til að hrekkja.

Tweet

Birnirnir þrír

Í gær bökuðum við Ásdís þrjár speltpizzur. Ein var lítil, önnur miðlungs og sú þriðja risastór, hljómar svolítið eins og birnirnir þrír væru væntanlegir í mat.

Pizzan fyrir litla húninn var með pestói, kartöflum, rifnum mozzarella og pikkluðum hvítlauk úr papriku og chili legi, tímían var notað sem aðalkrydd á hana.

Bangsamömmupizzan var með pizzasósu (ala Solla), pestói, ferskum mozzarella, brokkólíi, rauðlauk, papriku og svona alls konar dóti.

Pizzan hans bangsapabba var langstærst en á hana settum við pizzasósu (ala Solla), rauðlauk, brokkólí og rifinn mozzarella. Það skal tekið fram að við náðum engan veginn að klára þessar dýrindispizzur þar sem birnirnir komu ekki og munum við reyna að ljúka verkinu í dag.

Í dag tókum við í notkun nýja gsm síma af gerðinni nokia 3200. Þetta virðast vera kostagripir og það er rosalega gaman að fikta í þeim :)

Tweet

Kostir og gallar

Nú er ég búinn í sumarprófum, jei! Aðalkosturinn við það að vera búinn er tvímælalaust að vera búinn. Aðalgallinn er hins vegar sá að það er mjög sterk vísbending um að sumarið sé að verða búið.

En að öllu vangaveltugamni slepptu ætla ég í tilefni dagsins að fara til hennar Sollu og fá mér hnetusteik.

Tweet

Maður með fortíð

Ég vona bara að það komi ekki í hausinn á mér seinna að hafa verið meðlimur í taflfélagi Reykjavíkur, gúlp... Kannski hafa Interpol þegar komist á snoðir um tengsl mín og þátttöku á einu stærsta skákmóti landsins.

Vonandi verður þó tekið tillit til þess að ég var nú aldrei neinn snillingur í skák.

Tweet

Þetta lið!

Þetta er skrítinn heimur sem við búum í. Menn komast upp með ótrúlegustu hluti en liðið í bússaralandi dregur mörkin við alþjóðleg skákmót og hryðjuverk. Ég hef ekki fylgst með þessu máli en mér finnst það bara hljóma svo asnalega að sitja í gæsluvarðhaldi fyrir að taka þátt í alþjóðlegu skákmóti fyrir 12 árum. Hvað gerist eiginlega á þessum mótum? Eru það kannski skákmenn sem skipulögðu hinn fræga fund garðyrkjubænda í Öskjuhlíð?

Tweet

Heldur farið að fækka

Já nú er ættingjum mínum heldur farið að fækka hér á landi. Fyrst sneru Pési, Erna og Dagur með morgunflugi á þriðjudaginn til síns heima. Í hádegi sama dag yfirgáfu froskarnir okkur og í dag fara mamma og pabbi. Wellwell, ætli maður verði ekki bara að heimsækja eitthvað af þessu liði sjálfur úr því að það endist ekki lengur en raun ber vitni á hinum sólríka klaka.

Tweet

Veisla verður að partýi

Í gær hélt Pétur afi upp á afmælið sitt, reyndar mingluðum við mamma okkur inn í dæmið svo hægt væri að kalla þetta 150 ára afmæli. Þegar veislan var komin vel af stað, fólk farið að borða og svoleiðis skaut upp kollinum umræða um muninn á veislu og partýi. Þar sem ég veit allt um svo marga hluti varð ég að skilgreina muninn einhvern veginn.

Skilgreiningin var eitthvað um að í partýi væri dansað upp á borðum en samkvæmt þeirri skilgreiningu eru mjög fá partý haldin. Í þessum gleðskap dansaði enginn upp á borði en þó breyttist hin frábæra veisla í þrusupartý. Það bara gerðist einhvern veginn, allt í einu voru allir í partýstuði og komin allt önnur stemning á svæðið. Reglan er því sú að þegar fólk er statt á réttum stað og er í partýstuði þá er partý og besservisserskilgreiningin mín sökkar. Það er nú ekki flóknara.

Það sem gerði þessa veislu svo sérdeilis vel heppnaða var hve mikið af skemmtilegu fólki, sem hittist allt of sjaldan, var samankomið. Eftir partýið setti stór hluti gestanna stefnuna á Thorvaldsen bar og djammaði þar fram á rauða nótt. Við Ásdís splittuðum að vísu aðeins fyrr enda reynir maður að vera skynsamur í samræmi við háan aldur.

Tweet

Bera menn enga virðingu fyrir köttum?

Já nú er það komið í hart. Það er ekki nóg með að mannfólkið lítilsvirði blessuð dýrin með slæmri meðferð og líkamlegu ofbeldi. Það er augljóst að nú hafa mennirnir áttað sig á því að hægt er að niðurlægja eitt og eitt dýr í einu og birta myndir af því um allar trissur. Skyldi þessi köttur vera sonur foreldra Davíðs Oddsonar en hvorki bróðir hans né systir?

Tekið skal fram að þessi færsla er skrifuð undir sterkum áhrifum sjóðstreyma og ársreikningagerðar íslenskra fyrirtækja og eru lesendur varaðir við framandi skopskyni af þeim sökum.

Tweet