miðvikudagur, 24. mars 2004
Gettu hvað!
Hvað gerði ég núna? Ég skilaði verkefni. Vei...júhú-jæjíhaha! Ég held ég fari og taki þýska hamstrahugleiðslu í tuttugu mínútur eða svo.
Ýmislegt
Rakst á eitthvert það ljótasta sýnishorn sem tungumál vort hefur upp á að bjóða. Ábyrgðina á þessum óhugnaði, svo ekki sé meira sagt, bera aðstandendur femin.is:
H20 vs gosdrykkir
Vatnið er okkur lífsnauðsynlegt. Líkami okkar og líffæri þarfnast viss magns vatns daglega og ef við fáum ekki þetta vatnsmagn þá fara ýmsir kvillar að gera vart við sig. Við erum að fá þó nokkurn hluta af dagsneyslu okkar í gegnum matinn eða aðra vökva en hreint vatn og því miður eru mörg okkar að fá alltof stóran hluta af þessu magni í gegnum gosdrykki. Íslendingar eru að fá tvöfaldan til þrefaldan dagsskammt af sykri daglega og er stór hluti þess í gegnum gosdrykki. Þetta er alltof mikið af sykri og því birtum við þessa grein því ég lofa þér því að þú hugsar þig tvisvar um áður en þú færð þér gos með matnum næst.
Fyrirgefið að ég skuli leggja þetta á ykkur kæru lesendur en mér fannst bara að ég yrði að vara ykkur við þróun (tungu)mála. Að einhverjum skuli detta í hug að tala svona! Sá hinn sami virðist vera haldinn svo miklum sadisma og mannhatri að ekki er staðar numið við talmál heldur er þessu lekið á netið í formi málfræðilegrar farsóttar. Jæja nóg um það, fnæs.
Í sárabætur færi ég ykkur þetta geggjaða stuð frá Þýskalandi. Munið bara að hafa kveikt á hljóðinu þegar þið smellið á linkinn.
H20 vs gosdrykkir
Vatnið er okkur lífsnauðsynlegt. Líkami okkar og líffæri þarfnast viss magns vatns daglega og ef við fáum ekki þetta vatnsmagn þá fara ýmsir kvillar að gera vart við sig. Við erum að fá þó nokkurn hluta af dagsneyslu okkar í gegnum matinn eða aðra vökva en hreint vatn og því miður eru mörg okkar að fá alltof stóran hluta af þessu magni í gegnum gosdrykki. Íslendingar eru að fá tvöfaldan til þrefaldan dagsskammt af sykri daglega og er stór hluti þess í gegnum gosdrykki. Þetta er alltof mikið af sykri og því birtum við þessa grein því ég lofa þér því að þú hugsar þig tvisvar um áður en þú færð þér gos með matnum næst.
Fyrirgefið að ég skuli leggja þetta á ykkur kæru lesendur en mér fannst bara að ég yrði að vara ykkur við þróun (tungu)mála. Að einhverjum skuli detta í hug að tala svona! Sá hinn sami virðist vera haldinn svo miklum sadisma og mannhatri að ekki er staðar numið við talmál heldur er þessu lekið á netið í formi málfræðilegrar farsóttar. Jæja nóg um það, fnæs.
Í sárabætur færi ég ykkur þetta geggjaða stuð frá Þýskalandi. Munið bara að hafa kveikt á hljóðinu þegar þið smellið á linkinn.
þriðjudagur, 23. mars 2004
Ohhhh
Dagurinn sem hófst á ansi góðri lyftingaæfingu og góðri kynningu á starfi UNIFEM á Íslandi hefur ekki náð að halda sama flugi og á við engan annan en mig að sakast í þeim efnum. Ég nennti nefnilega ekki að læra uppí í Bókhlöðu í dag - fannst vera of mikil umhverfishljóð - svo ég rölti heim og ætlaði mér að læra af krafti þar.
Ég veit ekki hvaða lygasögu ég sagði sjálfri mér í Bókhlöðunni en svo er víst að ég hef ekki lært hót eftir að ég kom heim. Þvert á móti, ég hef hangið á netinu lesandi gamlar dagbókarfærslur. Eins gaman og það var nú er ég ansi hrædd um að það hjálpi mér ekki í ritgerðarskrifum sem bíða nú og eru enn brýnni en áður.
Dagurinn er þó ekki að kveldi kominn og enn er von að úr honum rætist. Þá á ég þó ekki við lærdómslega séð heldur frekar svona í tengslum við mannsleg samskipti og félagslegt mingl. Okkur snöffuls er nebbla boðið til kvöldverðar hjá herra og frú Karli og Ólöfu. Þau unnu víst í einhvers konar happdrætti og fengu ekki vinning af verri endanum: kokkur kemur til þeirra í kvöld og eldar ofan í átta manns. Óóó, það verður gaman að sjá hvað hann hristir fram úr erminni - ég er sko búin að borða sem minnst í dag og er því orðin ansi svöng.
Ég veit ekki hvaða lygasögu ég sagði sjálfri mér í Bókhlöðunni en svo er víst að ég hef ekki lært hót eftir að ég kom heim. Þvert á móti, ég hef hangið á netinu lesandi gamlar dagbókarfærslur. Eins gaman og það var nú er ég ansi hrædd um að það hjálpi mér ekki í ritgerðarskrifum sem bíða nú og eru enn brýnni en áður.
Dagurinn er þó ekki að kveldi kominn og enn er von að úr honum rætist. Þá á ég þó ekki við lærdómslega séð heldur frekar svona í tengslum við mannsleg samskipti og félagslegt mingl. Okkur snöffuls er nebbla boðið til kvöldverðar hjá herra og frú Karli og Ólöfu. Þau unnu víst í einhvers konar happdrætti og fengu ekki vinning af verri endanum: kokkur kemur til þeirra í kvöld og eldar ofan í átta manns. Óóó, það verður gaman að sjá hvað hann hristir fram úr erminni - ég er sko búin að borða sem minnst í dag og er því orðin ansi svöng.
mánudagur, 22. mars 2004
Verkefniverkefniverkefni
Júhú ég flutti lokaverkefni í einum tíma í dag, gekk vel. Þegar ég var búinn að því fór ég beint í Odda og hitti félaga mína og við kláruðum enn annað verkefni. Nú þegar það er búið mætti ætla að ég sé á heimleið en neeeeei. Ég er nefnilega að fara í enn eitt verkefnið og reikna með að vera hættur þessu rugli svona um tíu í kvöld.
Fréttir: Skólagjöldum var mótmælt fyrir framan aðalbygginguna í dag og froskarnir öppdeituðu lúkkið á síðunni sinni.
Fréttir: Skólagjöldum var mótmælt fyrir framan aðalbygginguna í dag og froskarnir öppdeituðu lúkkið á síðunni sinni.
fimmtudagur, 18. mars 2004
Fyrir háttinn
Áður en ég fer að sofa langar mig að deila nýjustu lífsreynslu minni með ykkur. Ég fékk mér lífræna jógúrt sem mér finnst alveg hreint frábær. Í gærkvöldi gaukaði Pétur afi að okkur tveimur skömmtum af lífrænni jógúrt og er ég hræddur um að hann hljóti að vera á prósentum því ég er húkkaður á fyrsta skammti. Voðavoða gott :)
miðvikudagur, 17. mars 2004
Gínnganngúllígúllívissevass
Lýst er eftir Baldri. Hann fór að heiman snemma í morgun og hefur ekkert til hans spurst síðan. Talið er sennilegt að hann hafi flækt sig í dæmi tengdu rekstrarhagfræði eða ráfi villtur um skóga Perloffs. Baldur er rúmlega meðalmaður á hæð, vöðvastæltur, með brún og falleg augu. Hann var klæddur í föt.
Nei hættu nú alveg! Ég get ekki fengið af mér að bulla meira. Ég er hér á bókhlöðunni og er búinn að lesa heil ósköp af ósköpum og öðru. Fer heim eftir hálftíma en datt í hug að droppa einni línu á bloggið.
Nei hættu nú alveg! Ég get ekki fengið af mér að bulla meira. Ég er hér á bókhlöðunni og er búinn að lesa heil ósköp af ósköpum og öðru. Fer heim eftir hálftíma en datt í hug að droppa einni línu á bloggið.
Stanslaus veisla
Strax og ég kom úr tímanum áðan hitti ég Ásdísi heima og fórum við beinustu leið í kvöldverðarboð til Péturs afa. Þar var borðaður enn meiri fiskur og enn ein tegundin í dag, ýsa. Hún var soðin og fengum við kartöflur og tvær tegundir af salati með. Eins og þeir vita sem þekkja til þá er fiskur minn uppáhaldsmatur. Þannig að það má nú aldeilis segja að dagurinn í dag hafi verið góður í mallakút :)
þriðjudagur, 16. mars 2004
Hádegisveisla
Í hádeginu komu til mín í heimsókn félagarnir Biggi og Hákon. Þegar þessi hópur stórmenna og matgæðinga hittist þá verður gjarnan eitthvað sniðugt úr. Ég átti tvö væn flök af silungi, slatta af smjöri og fullt af grænmeti. Strákarnir komu með rjóma og lax og ekki þarf háa greindarvísitölu til að giska á hvað við gerðum. Með þetta hráefni og þennan félagsskap er ekki hægt að klikka.
Eftir matinn stökk ég upp á hjólið mitt, svolítið silalega, og dreif mig í hagfræðitíma.
Eftir matinn stökk ég upp á hjólið mitt, svolítið silalega, og dreif mig í hagfræðitíma.
mánudagur, 15. mars 2004
Liggaliggalái
Fjóla í Baunaveldi var að lýsa ánægju sinni yfir því að loksins væri komið vor þar um slóðir - það þýðir að loksins fór hitastigið yfir frostmarkið. Ég segi nú hí á Baunana því við erum búin að vera í vorfíling í allan mars. Í morgun tók ég til að mynda eftir því að grasið er farið að grænka á túnum hér í kring. Í þessu tilviki er leyfilegt að vera með smá aulahúmor og segja að nú sé grasið bókstaflega grænna hinum megin, thíhí.
Annars er allt ljómandi fínt að frétta af mér enda ekki annað hægt þegar daginn er tekið að lengja svo að nánast er orðið bjart klukkan sjö á morgnana. Ég er núna komin í það sem ég kalla annan helming annarinnar þar sem fyrri helmingurinn einkenndist af vikulegum verkefnaskilum, framsögum og fleiri verkefnum.
Þessi síðari helmingur samanstendur af ritgerðum sem ég þarf að klára, fjögur stykki, og er ég um þessar mundir á fullu að lesa heimildir. Ég hef sankað að mér bókum og greinum og er nú svo komið að ég hef að ég held tæplega 20 bækur á skrifborðinu sem ég ætla að lesa misvel og misvandlega. Það er því heljarinnar törn framundan og sem betur fer er ég að fara að vinna að áhugaverðum ritgerðum.
Áður en ég sný mér að þessari törn ætla ég þó út að hjóla smá, veðrið bíður bara ekki upp á neitt annað.
Annars er allt ljómandi fínt að frétta af mér enda ekki annað hægt þegar daginn er tekið að lengja svo að nánast er orðið bjart klukkan sjö á morgnana. Ég er núna komin í það sem ég kalla annan helming annarinnar þar sem fyrri helmingurinn einkenndist af vikulegum verkefnaskilum, framsögum og fleiri verkefnum.
Þessi síðari helmingur samanstendur af ritgerðum sem ég þarf að klára, fjögur stykki, og er ég um þessar mundir á fullu að lesa heimildir. Ég hef sankað að mér bókum og greinum og er nú svo komið að ég hef að ég held tæplega 20 bækur á skrifborðinu sem ég ætla að lesa misvel og misvandlega. Það er því heljarinnar törn framundan og sem betur fer er ég að fara að vinna að áhugaverðum ritgerðum.
Áður en ég sný mér að þessari törn ætla ég þó út að hjóla smá, veðrið bíður bara ekki upp á neitt annað.
sunnudagur, 14. mars 2004
Fullt af fjöri
Jæææja! Síðan ég skrifaði síðast hefur ýmislegt gengið á og slatti af smjörsteiktum silungi runnið ljúflega niður í maga.
Í gærkvöldi vorum við hjá Elfari, pizzakvöld frestaðist um sólarhring. Það virðist hafa góð áhrif á pizzur að gerjast í sólarhring því þegar á hólminn var komið reyndist smjörsteiktur silungur og rjómasósa á borðum. Ekki slæm skipti það :) Eftir matinn var svo farið í bílaumboðið Heklu og nýi Golfinn skoðaður.
Í morgun svaf ég svo út en var afar ötull í lærdómi seinnipartinn, eftir að hafa fengið silungsskammt dagsins. Er að pakka skóladótinu saman núna og kominn með nóg næstu 9 tímana. Gúnatt...
Í gærkvöldi vorum við hjá Elfari, pizzakvöld frestaðist um sólarhring. Það virðist hafa góð áhrif á pizzur að gerjast í sólarhring því þegar á hólminn var komið reyndist smjörsteiktur silungur og rjómasósa á borðum. Ekki slæm skipti það :) Eftir matinn var svo farið í bílaumboðið Heklu og nýi Golfinn skoðaður.
Í morgun svaf ég svo út en var afar ötull í lærdómi seinnipartinn, eftir að hafa fengið silungsskammt dagsins. Er að pakka skóladótinu saman núna og kominn með nóg næstu 9 tímana. Gúnatt...
þriðjudagur, 9. mars 2004
Rugl
Rakst á þessa áhugaverðu frétt á mbl. Ég held að þingmenn á Indónesíu hljóti að hafa eitthvað þarfara að gera. Ég vona það að minnsta kosti.
laugardagur, 6. mars 2004
Nýrmæli
Í gær settist hin bitra moldvarpa undir stýri á bláa drekanum í fyrsta sinn eftir hinn ógnvænlega storm. Leiðin lá í gleraugnabúð og var sjónin mæld eftir kúnstarinnar reglum. Ekki var fjárfest í gleraugum heldur nýrum en eins og allir vita sér maður betur hafi maður góð nýru fyrir augunum. Nýrun voru svo prófuð á bíómyndinni American splendor sem var splendid og nýrun störfuðu mjög vel.
Fyrir þá sem sitja agndofa yfir þessum splatterkennda hryllingi þá heita linsur nýru í minni fjölskyldu.
Fyrir þá sem sitja agndofa yfir þessum splatterkennda hryllingi þá heita linsur nýru í minni fjölskyldu.
miðvikudagur, 3. mars 2004
Hin bitra moldvarpa
Í gær var vont veður. Sennilega þarf ég ekki að skýra það nánar en mér fannst veðrið í gær vera mjög vont. Þegar ég var á leið í Lögberg frá Þjóðarbókhlöðunni skall á mér og kunningja mínum harkaleg vindhviða. Báðir misstum við jafnvægið eins og við hefðum verið slegnir.
Þessi illkvittna vindhviða reif af mér gleraugun og flugu þau ásamt laufblöðum og öðru drasli út í buskann. Vinur minn, sem hér eftir verður kallaður Ásgeir, lagði hjólið sitt á hliðina og hljóp á eftir gleraugunum. Þetta var vonlaus barátta, eins og kálormur í keppni við blettatígur. Vindurinn var meira að segja svo sterkur að hjólið sem enn lá á hliðinni fauk á fullri ferð eftir götunni og hljóp ég það uppi.
Nú geng ég um göturnar bitur og blindur eins og kvekkt moldvarpa með pírð augu og skeifu í andliti.
Þessi illkvittna vindhviða reif af mér gleraugun og flugu þau ásamt laufblöðum og öðru drasli út í buskann. Vinur minn, sem hér eftir verður kallaður Ásgeir, lagði hjólið sitt á hliðina og hljóp á eftir gleraugunum. Þetta var vonlaus barátta, eins og kálormur í keppni við blettatígur. Vindurinn var meira að segja svo sterkur að hjólið sem enn lá á hliðinni fauk á fullri ferð eftir götunni og hljóp ég það uppi.
Nú geng ég um göturnar bitur og blindur eins og kvekkt moldvarpa með pírð augu og skeifu í andliti.
laugardagur, 28. febrúar 2004
Röfluteiknir
Einum deginum enn varið í excel og visual basic verkefni. Þetta er nú svolítið sniðugt dót. Í haust setti ég allt dótið í reikningshaldi upp í virðuleg excelskjöl og var frekar ánægður. Nú er öldin aldeilis önnur og finnst mér haustverkefnin bara vera kidstuff við hliðina á því sem ég gerði t.d. í morgun.
miðvikudagur, 25. febrúar 2004
miðvikudagur, 18. febrúar 2004
Engin fyrirsögn í dag
Í gærkveldi fór ég í mat til Péturs afa og borðaði einn af mínum uppáhalds réttum, soðna ýsu og kartöflur. Rétturinn er sennilega með því einfaldasta sem matreiðsla býður upp á en að mínu mati felst snilldin einmitt í einfaldleikanum.
Nú sit á Þjóðarbókhlöðunni, the national bookbarn á ensku, og er að safna kjarki í reikningshaldið. Ahhhh! Held hann sé kominn og þá er ekki annað að gera en að vinda sér í verkið.
Nú sit á Þjóðarbókhlöðunni, the national bookbarn á ensku, og er að safna kjarki í reikningshaldið. Ahhhh! Held hann sé kominn og þá er ekki annað að gera en að vinda sér í verkið.
sunnudagur, 15. febrúar 2004
fimmtudagur, 12. febrúar 2004
Naglasúpan
Í gær bjó ég til naglasúpu. Þannig var að ég ætlaði að fá mér smá kraftasnarl, til að stúta pestinni, en bætti alltaf meiri mat í pottinn. Ekki linnti látunum fyrr en ég var búinn að búa til kraftmikla grænmetis- og baunasúpu sem dugði okkur Ásdísi í kvöldmat gærdagsins og hádegismat í dag.
Súpan gerði sitt gagn og er ég allur að koma til en svo að allt sé öruggt er Ásdís að útbúa indverskan karrýrétt og köku í desert. Ég reikna því með að vera orðinn fullur af orku og flensulaus á morgun. 7-9-13 ;)
Súpan gerði sitt gagn og er ég allur að koma til en svo að allt sé öruggt er Ásdís að útbúa indverskan karrýrétt og köku í desert. Ég reikna því með að vera orðinn fullur af orku og flensulaus á morgun. 7-9-13 ;)
þriðjudagur, 10. febrúar 2004
Gargl
Búinn að hanga heima síðan á sunnudag með hálsbólgu og skítaslen. Síðan ég sjúkdómsgreindi sjálfan mig á sunnudag hef ég etið mikinn chili pipar, fullt af engifer og garglað hálsinn með hálfu Atlantshafi. Þrátt fyrir harkalegar aðgerðir er skrattinn ekki enn farinn en ég bind miklar vonir við að svæla hann út í dag.
Ég tek fram að ég hef ekki látið mér leiðast í þessu ströggli. Ég hef sofið heil ósköp og þegar maður sefur mikið þá dreymir mann tóma steypu og það jafnast nú alveg á við böns af bíóferðum.
Ég tek fram að ég hef ekki látið mér leiðast í þessu ströggli. Ég hef sofið heil ósköp og þegar maður sefur mikið þá dreymir mann tóma steypu og það jafnast nú alveg á við böns af bíóferðum.
fimmtudagur, 29. janúar 2004
Sól, sól skín á mig
Það eru kannski ekki neinar fréttir, en ég er í skólanum. Hef það ágætt. Veðrið er svo ótrúlega fallegt að ég hef ákveðið að tala barasta um það, hehe. Sól og blíða, eilítið frost og barasta fallegt. Blæs smá en það væri nú ekkert annað en argasta dusilmennavæl og aumingjaskapur að láta slíkt snerta í sér minnstu taug. Það er bara svo gaman að sjá þessa ágætu stjörnu, sólina, sem gerir lífið ekki aðeins bærilegt heldur einnig mögulegt.
þriðjudagur, 27. janúar 2004
Orðlaus
Var að klára bókina Draumur þinn rætist tvisvar eftir Kjartan Árnason. Frábær bók, mæli hiklaust með henni við alla. Frásagnarstíll Kjartans er sérdeilis þægilegur og grípandi, hver lína valin af kostgæfni. Ég var með hljóðbókarútgáfu lesna af Sigurði Skúlasyni leikara, hlustaði meðan ég gekk á milli staða. Ég er orðlaus í augnablikinu.
fimmtudagur, 22. janúar 2004
excel
Er að gera skilaverkefni í excel og fletti svolítið í kennslubókinni. Í kennslubókinni eru nokkrar skemmtilegar línur um forritið m.a. að ef maður skrifar einn tölustaf í hvern reit á einu vinnublaði (worksheet) og er u.þ.b. eina sekúndu með hvern þá geti maður skrifað stanslaust í 194 daga. Ef maður ætlar svo að prenta dótið út þá þarf 36000 blöð en sá stafli er víst á hæð við mig. Bara betra fyrir fólk að vita svona áður en það leggur í stórverkefni :)
laugardagur, 17. janúar 2004
Jei
Hér á bæ stefnir hraðbyri (í orðsins fyllstu merkingu) í að bílar verði á bólakafi í sköflum á ný. Ég fór áðan og gerði allt sem í mínu valdi stóð til að svo færi ekki fyrir vorri sjálfrennireið og færði hana í stæði þar sem skefur ekki eins svakalega.
Það er nú svolítið gaman að fá ástæðu til að nota kuldagallann, það hafa nú ekki verið svo mörg skipti undanfarin ár. Mér finnst alltaf æðislega gaman í svona veðri, ég bara man ekkert hvar jeppinn minn er.
Það er nú svolítið gaman að fá ástæðu til að nota kuldagallann, það hafa nú ekki verið svo mörg skipti undanfarin ár. Mér finnst alltaf æðislega gaman í svona veðri, ég bara man ekkert hvar jeppinn minn er.
fimmtudagur, 8. janúar 2004
Mættur til leiks
Jæja þá er skólinn byrjaður. Fyrsta heimaverkefni var sett fyrir í gær og allt komið í gang. Ég kem vel peppaður til leiks eftir að hafa varið hluta jólafrísins í lestur á Harry Potter. Það gerir skólann óneitanlega litríkari að hugsa um hann á svona Hogwartsnótum þó ég til allrar hamingju hafi enn ekki orðið var við Umbridge, fjúff.
þriðjudagur, 6. janúar 2004
Þrettándinn
Í dag heldur seinasti jólasveinninn aftur til fjalla og eru þá jólin bara búin. Þar sem ég á ansi erfitt með að sætta mig við það ætla ég að halda jólaskrautinu uppi í pínuponsu stund lengur, allavega ljósunum.
Talandi um ljós þá fórum við í kvöld á þrettándagleði í Grafavoginum þar sem við tókum þátt í blysför og fylgdumst með því þegar kveikt var í brennunni. Rétt eins og í fyrra var mikið um fólk - þó helst smáfólk - og kemur það svo sem ekki á óvart þar sem það er góð stemmning að standa við stóran bálköst, hlusta á börnin syngja jólalög og fylgjast með grýlu og leppalúða, álfakónginum og álfadrottningunni.
Það sem dró okkur þó helst að brennunni var flugeldasýningunni en hún var ansi tilkomumikil í fyrra. Í þetta skiptið fékk ég þó meira af flugeldum en ég kærði mig um. Einhverjir stóðu rétt fyrir utan hópinn og voru að senda sína eigin flugelda upp.
Mér fannst viðeigandi að líta svo á að þeir hinir sömu væru að hita upp fyrir alvöru flugeldasýninguna en stóð þó ekki á sama þegar það varð nær að alvöru. Það kom nefnilega einn flugeldinn fljúgandi inn í mannmergðina og sprakk með miklum hvelli rétt við hlið okkar. Mér brá svo rosalega að ég held ég hljóti að hafa skrækt eitthvað.
Þrátt fyrir að ekki hafi kviknað í neinum ákváðum við að færa okkur að barnaendanum sem var mun rólegri og hættulausari staður (að undanskildum öllum börnunum með kyndla sem þau veifuðu í kringum sig að sjálfsögðu). Þar stóðum við og sötruðum heitt kakó og gæddum okkur á kanelsnúðum - smá góðgæti - og þegar það var búið byrjaði flugeldasýningin - smá augnakonfekt.
Talandi um ljós þá fórum við í kvöld á þrettándagleði í Grafavoginum þar sem við tókum þátt í blysför og fylgdumst með því þegar kveikt var í brennunni. Rétt eins og í fyrra var mikið um fólk - þó helst smáfólk - og kemur það svo sem ekki á óvart þar sem það er góð stemmning að standa við stóran bálköst, hlusta á börnin syngja jólalög og fylgjast með grýlu og leppalúða, álfakónginum og álfadrottningunni.
Það sem dró okkur þó helst að brennunni var flugeldasýningunni en hún var ansi tilkomumikil í fyrra. Í þetta skiptið fékk ég þó meira af flugeldum en ég kærði mig um. Einhverjir stóðu rétt fyrir utan hópinn og voru að senda sína eigin flugelda upp.
Mér fannst viðeigandi að líta svo á að þeir hinir sömu væru að hita upp fyrir alvöru flugeldasýninguna en stóð þó ekki á sama þegar það varð nær að alvöru. Það kom nefnilega einn flugeldinn fljúgandi inn í mannmergðina og sprakk með miklum hvelli rétt við hlið okkar. Mér brá svo rosalega að ég held ég hljóti að hafa skrækt eitthvað.
Þrátt fyrir að ekki hafi kviknað í neinum ákváðum við að færa okkur að barnaendanum sem var mun rólegri og hættulausari staður (að undanskildum öllum börnunum með kyndla sem þau veifuðu í kringum sig að sjálfsögðu). Þar stóðum við og sötruðum heitt kakó og gæddum okkur á kanelsnúðum - smá góðgæti - og þegar það var búið byrjaði flugeldasýningin - smá augnakonfekt.
Loksins!
Loksins get ég fengið útrás fyrir raddirnar í höfðinu á mér í gegnum bloggið. Það hefur gengið illa þar sem bloggerinn virðist hafa bilað í kringum áramót. Það minnir mig á að einhvern tíma sagði einhver að ef bílar hefðu þróast á sama hátt og tölvur þá væri heimurinn betri.
Ég skal sko segja ykkur það að ef bílar fengju vírusa og frysu í tíma og ótíma auk þess að maður þyrfti að uppfæra ótt og títt af því að vélin væri of hæg fyrir nýjasta bensínið þá myndi ég sannarlega aldrei stíga fæti inn í bíl.
Ég skal sko segja ykkur það að ef bílar fengju vírusa og frysu í tíma og ótíma auk þess að maður þyrfti að uppfæra ótt og títt af því að vélin væri of hæg fyrir nýjasta bensínið þá myndi ég sannarlega aldrei stíga fæti inn í bíl.
fimmtudagur, 1. janúar 2004
Gleðilegt ár!
Hér með óska ég öllum til sjávar og sveita gleðilegs árs og þakka fyrir árið 2003. Gærkvöldið var samkvæmt hefðinni, skálað í aqualibra (bæði hvítu og rauðu) og etin risastór heimabökuð snilldarpizza.
Ekki amaleg byrjun á nýju ári, en pælið bara í því það er komið 2004. Mér líður eins og ég sé hluti af lélegu handriti fyrir enn verri sci-fi mynd. Frábært!
Ekki amaleg byrjun á nýju ári, en pælið bara í því það er komið 2004. Mér líður eins og ég sé hluti af lélegu handriti fyrir enn verri sci-fi mynd. Frábært!
þriðjudagur, 30. desember 2003
Dásamlegt
Mikið er gaman að fá almennilegan snjó! Heiðar kom í heimsókn áðan og ætluðum við í göngutúr. Göngutúrinn varð ekki ýkja langur en útivistin umtalsverð. Við bjuggum til flottasta par í heimi, ísfólkið.
Það merkilega er að þrátt fyrir nafnið þá elska þau hvort annað mjög heitt og ef þau verða ekki bráðnuð á morgun má sjá þau á túninu við endann á Suðurgötu.
Það merkilega er að þrátt fyrir nafnið þá elska þau hvort annað mjög heitt og ef þau verða ekki bráðnuð á morgun má sjá þau á túninu við endann á Suðurgötu.
fimmtudagur, 25. desember 2003
Gleðileg jól!
Við Ásdís vorum að koma heim eftir heljarinnar matar- og pakkatörn. Ég söng í kirkjunni klukkan 18 og Ásdís hlustaði. Borðhald og matreiðsla gengu að mestu án stórslysa og kvöldið var frábært.
Þegar klukkan var svo orðin miðnætti var sunginn afmælissöngur fyrir elsku Ásdísi sem nú er orðin tuttuguogfjögurra ára.
Gleðileg jól allir saman :)
Þegar klukkan var svo orðin miðnætti var sunginn afmælissöngur fyrir elsku Ásdísi sem nú er orðin tuttuguogfjögurra ára.
Gleðileg jól allir saman :)
mánudagur, 22. desember 2003
Kvíðið ekki
Jæja þá er ég kominn heim. Þegar ég yfirgaf Morgunblaðshöllina fyrir tveimur klukkustundum þá fór eins og ég hafði spáð fyrir. Þó skal tekið fram að spádómurinn varð ekki allur að veruleika. Nei það voru engir klökkir starfsmenn. Þeir voru velflestir farnir heim til að gráta sig í svefn. En kvíðið engu á nýju ári mun ég koma aftur og gæta ykkar.
sunnudagur, 21. desember 2003
Drama
Nú fer vaktinni að ljúka. Ekki nóg með það heldur er þetta síðasta vakt ársins hjá mér þannig að þegar ég geng út í kvöld verður spilað á fiðlur, klökkir starfsmenn munu veifa, naktir blómálfar dansa fljúgandi og batmanmerkið mun lýsa á himninum. Hvað gerist næst? Jú, ég sný mér við og segi með hægð: I´ll be back.
Fróðleiksmoli: Í dag hefði Frank Zappa, sá mikli töffari, átt afmæli.
Fróðleiksmoli: Í dag hefði Frank Zappa, sá mikli töffari, átt afmæli.
laugardagur, 20. desember 2003
Jólamaturinn útbúinn
Hihi, búinn í vinnunni og kominn heim. Er á fullu að undirbúa jólamatinn. Já ég er alveg frábær. Vinn stöðugt í fjórtán klukkustundir og útbý jólamatinn í leiðinni. Reyndar var ég svo duglegur að ég hugsa að hann endist fram á annan í jólum.
Hvað fólst í þessum mikla og flókna undirbúningi sem hetjan ég náði að afgreiða með litlafingri? Ég játa, I´m a pornodog, ég hringdi á Grænan kost og pantaði hnetusteikur. Hvortsemer er það miklu auðveldara :)
Hvað fólst í þessum mikla og flókna undirbúningi sem hetjan ég náði að afgreiða með litlafingri? Ég játa, I´m a pornodog, ég hringdi á Grænan kost og pantaði hnetusteikur. Hvortsemer er það miklu auðveldara :)
Ankannalegt
Sit við tölvuna í vinnunni. Allt er eins og það á að sér að vera, nema ég. Mér líður skringilega. Það er eins og... ...eins og ég eigi ekki eftir að mæta í neitt próf á næstunni og ekkert skilaverkefni hangi yfir mér. Jibbííí :)
Venjulega þegar ég er í vinnunni rembist ég við lærdóm með misjöfnum árangri en nú er bara ekkert þannig og þykir mér hvíldin góð.
Venjulega þegar ég er í vinnunni rembist ég við lærdóm með misjöfnum árangri en nú er bara ekkert þannig og þykir mér hvíldin góð.
Ást
Í kvöld fórum við í mat til Elfars eins og lög gera ráð fyrir á föstudagskvöldi. Þar spiluðum við meistara völundarhússins og spjölluðum.
Eftir spil stungum við af í bíó til að sjá myndina Love actually. Það var gaman. Always look on the bright side og life eins og snillingarnir sungu. Myndin er semsagt ansi hressandi gleðigjafi í skammdeginu.
Eftir spil stungum við af í bíó til að sjá myndina Love actually. Það var gaman. Always look on the bright side og life eins og snillingarnir sungu. Myndin er semsagt ansi hressandi gleðigjafi í skammdeginu.
föstudagur, 19. desember 2003
Sofið út
Líklega hefur safnast upp einhver þreyta í prófunum. Í gær reiknaði ég ekki með því og fór bara að lyfta og útrétta fyrir jólin. Í gærkvöldi fór ég svo fremur seint að sofa, nánar tiltekið klukkan eitt.
Undir venjulegum kringumstæðum hefði ég vaknað milli átta og níu en í morgun vaknaði ég ekki fyrr en rúmlega ellefu. Mig rámar eitthvað í það þegar Ásdís fór á fætur til að taka síðasta prófið sitt en augljóslega vaknaði ég ekki við það.
Í gær var ég að spjalla á netinu við Tómas vin minn sem er búinn að vera í Danmörku (kemur heim í dag) og sagði honum að snjókoma væri afar ósennileg á næstu dögum. Þegar ég svo ruslaðist á lappir lá við að ég fengi ofbirtu í augun þegar ég leit út. Ég hlýt að líta vel út en óháð því þá var og er enn snjór yfir öllu. Gaman!
Undir venjulegum kringumstæðum hefði ég vaknað milli átta og níu en í morgun vaknaði ég ekki fyrr en rúmlega ellefu. Mig rámar eitthvað í það þegar Ásdís fór á fætur til að taka síðasta prófið sitt en augljóslega vaknaði ég ekki við það.
Í gær var ég að spjalla á netinu við Tómas vin minn sem er búinn að vera í Danmörku (kemur heim í dag) og sagði honum að snjókoma væri afar ósennileg á næstu dögum. Þegar ég svo ruslaðist á lappir lá við að ég fengi ofbirtu í augun þegar ég leit út. Ég hlýt að líta vel út en óháð því þá var og er enn snjór yfir öllu. Gaman!
miðvikudagur, 17. desember 2003
mánudagur, 15. desember 2003
Sit og les
Nú er ég að fara í háttinn eftir smá rekstrarhagfræðirispu. Hvað er hagfræði? Eftirfarandi skilgreining er bráðskemmtileg og virðist enn vera í góðu gildi.
Auðfræðin [hagfræðin] tekur manninn svo sem hann nú er, hefir verið og mun verða, veikan, skeikulan, ófullkominn, en jafnframt framförulan og framfæran og vill vísa honum veg framfaranna.
Arnljótur Ólafsson lærði, Auðfræði 1880
Auðfræðin [hagfræðin] tekur manninn svo sem hann nú er, hefir verið og mun verða, veikan, skeikulan, ófullkominn, en jafnframt framförulan og framfæran og vill vísa honum veg framfaranna.
Arnljótur Ólafsson lærði, Auðfræði 1880
þriðjudagur, 9. desember 2003
Bloggað milli auglýsinga
Ó, ég er sko ekki sniðug núna, í staðinn fyrir að læra meira fyrir prófið á morgun er ég núna að glápa á Queer eye for the straight guy á Skjá einum. Mér tókst meira að segja að draga Baldur að skjánum. O well, ég er svo sem búin að fara yfir allt námsefnið svo kannski ég slappi bara smá af.
Þjóðhagfræði að baki
Jæja, þá er það búið. Þá sest maður bara í sófann með þessari gellu sem beið eftir mér þegar ég kom heim, fær sér jarðarber, skyr og rjóma. Ekki fer þó vel á að sitja lengi því það styttist í næsta próf og jólin líka.
Ef ég sit í sófanum fram að jólum þá gæti ég verið orðinn eins og feitur marsbúi og fengi enga pakka því enginn myndi þekkja mig. Að lokum yrði ég svo settur í dýragarð og enginn myndi vita hver ég væri. Meðan ég dúsa í dýragarðinum ærist íslenskt samfélag af spenningi vegna enn eins óupplýsts mannhvarfs. Þó er enginn horfinn. Ok, bæ ;)
Ef ég sit í sófanum fram að jólum þá gæti ég verið orðinn eins og feitur marsbúi og fengi enga pakka því enginn myndi þekkja mig. Að lokum yrði ég svo settur í dýragarð og enginn myndi vita hver ég væri. Meðan ég dúsa í dýragarðinum ærist íslenskt samfélag af spenningi vegna enn eins óupplýsts mannhvarfs. Þó er enginn horfinn. Ok, bæ ;)
boring
Fyrir allnokkru gekk ég til náða. Það gerði ég af því að það er próf á morgun. Ég er ekki sofandi eins og oftast á þessum tíma sólarhringsins heldur er ég andvaka og það er voða gaman. Það hafa nú svakalegri hlutir gerst. Til dæmis var skúringakona étin í næsta húsi nýlega. Alveg ferlegt, eins gott að ég er bara vaktmaður.
Úr því að ég er vakandi þá er ég að hugsa um að læra þangað til ég verð syfjaður og kannski fjölyrða um það á vefinn. Hver veit?
Úr því að ég er vakandi þá er ég að hugsa um að læra þangað til ég verð syfjaður og kannski fjölyrða um það á vefinn. Hver veit?
laugardagur, 6. desember 2003
Stjórnun að baki
Já nú er prófið í stjórnun að baki. Var bara að koma úr því í þessu. Ekki þýðir það samt að stríðið sé búið, ooo seiseinei. Næst er það þjóðhagfræðin hjá manni sem er háll sem áll, enda heitir hann Axel Hall. Hall er sennilega alþjóðlegt orð fyrir háll. Ætli það sé nokkuð vit í að segja meira, Axel gæti kíkt á dagbókina en það má hann ekki fyrr en eftir prófið.
miðvikudagur, 3. desember 2003
Lesilesilesilesi
Sit heima, les þjóðhagfræði og hlusta á Brahms. Nánar tiltekið er ég að lesa Mankiw og hlusta á ungverska dansa. Ekki er nú sami stíllinn á mér og í gærkveldi þegar ég ásamt Ásdísi og Pétri afa snæddi dýrindis forsetafisk. Nú eru það bara salthnetur, sólblómafræ hörfræ og vatn. Einfalt en næringarríkt og tekur engan tíma frá lestrinum. Kannski maður gefi sér nú samt tíma í alminnilegan kvöldverð á eftir.
Notalegt að sitja inni og blogga meðan Kári lætur móðann mása úti í bleytunni, ahh. Kannski maður bruggi sér bara smá te í múmínbollann sinn, ekki bagalegt og stíllinn kominn á rétt ról.
Notalegt að sitja inni og blogga meðan Kári lætur móðann mása úti í bleytunni, ahh. Kannski maður bruggi sér bara smá te í múmínbollann sinn, ekki bagalegt og stíllinn kominn á rétt ról.
þriðjudagur, 2. desember 2003
laugardagur, 29. nóvember 2003
Jólastúss
Hið árlega jólastúss var tekið með trompi í dag. Við fórum í heljarinnar verslunarleiðangur í Kópavoginn, Smárann og Smáralindina nánar tiltekið, og keyptum nokkrar jólagjafir, fengu hugmyndir að enn öðrum gjöfum, keyptum svo jólapappír, borða og hnotur (sem Baldri finnst afskaplega fyndið orð).
Svo fórum við niður í geymslu (yndislegt fyrirbæri) og náðum í jólahjólakassana sem geyma allt jólaskrautsdótið okkar. Rétt í þessu vorum við að klára að setja upp jólaseríuna og þökk sé sogtöppunum sem keyptir voru í fyrra varð ekki um neinn pirring að ræða við að setja upp blessuð ljósin. Því er stofan okkar núna böðuð marglitri birtu og eldhúsið er sem áður rauðglóandi.
Og núna kemur að verðlaununum fyrir að standa okkur svona vel í dag: Jarðarber og bláber með miklum rjóma á meðan við horfum á hina frábæru grínmynd Christmas Vacation með Chevy Chase. Ohh, það verður sko gaman!
Svo fórum við niður í geymslu (yndislegt fyrirbæri) og náðum í jólahjólakassana sem geyma allt jólaskrautsdótið okkar. Rétt í þessu vorum við að klára að setja upp jólaseríuna og þökk sé sogtöppunum sem keyptir voru í fyrra varð ekki um neinn pirring að ræða við að setja upp blessuð ljósin. Því er stofan okkar núna böðuð marglitri birtu og eldhúsið er sem áður rauðglóandi.
Og núna kemur að verðlaununum fyrir að standa okkur svona vel í dag: Jarðarber og bláber með miklum rjóma á meðan við horfum á hina frábæru grínmynd Christmas Vacation með Chevy Chase. Ohh, það verður sko gaman!
Einn góður
Dyggasti lesandi dagbókarinnar sendi okkur þennan brandara áðan. Ég má til með að droppa honum á netið.
Nonni litli er í sjötta bekk grunnskóla. Dag einn var samfélagsfræði og þá spurði kennarinn hvað feður þeirra störfuðu.
Börnin svöruðu eins og þeim er lagið: Pabbi minn er lögga, brunaliðsmaður, skrifstofumaður, vinnur í verslun og svo framvegis. En kennarinn tók eftir því að Nonni litli var óvenju hljóður og lét lítið fara fyrir sér.
Hvað gerir svo pabbi þinn, spurði kennarinn Nonna litla.
Hann dansar nakinn fyrir framan karla á öllum aldri á veitingastað á kvöldin og á næturnar. Svo græðir hann fullt á því að fara með þeim áhorfendum sem best bjóða út í portið á bak við veitingastaðinn þar sem hann dansar einkadans fyrir þá í nokkrar mínútur.
Kennarinn varð eðlilega mjög undrandi yfir svari Nonna litla og í miklu fáti skipaði hann hinum krökkunum að fara að lita, en Nonna litla tók hann afsíðis.
Er þetta alveg satt sem þú sagðir um hann pabba þinn ... dansinn og allt það? Nei, nei, sagði Nonni litli feiminn. Pabbi vinnur hjá Kaupþingi-Búnaðarbanka en ég þorði sko alls ekki að segja það fyrir framan hina krakkana.
Nonni litli er í sjötta bekk grunnskóla. Dag einn var samfélagsfræði og þá spurði kennarinn hvað feður þeirra störfuðu.
Börnin svöruðu eins og þeim er lagið: Pabbi minn er lögga, brunaliðsmaður, skrifstofumaður, vinnur í verslun og svo framvegis. En kennarinn tók eftir því að Nonni litli var óvenju hljóður og lét lítið fara fyrir sér.
Hvað gerir svo pabbi þinn, spurði kennarinn Nonna litla.
Hann dansar nakinn fyrir framan karla á öllum aldri á veitingastað á kvöldin og á næturnar. Svo græðir hann fullt á því að fara með þeim áhorfendum sem best bjóða út í portið á bak við veitingastaðinn þar sem hann dansar einkadans fyrir þá í nokkrar mínútur.
Kennarinn varð eðlilega mjög undrandi yfir svari Nonna litla og í miklu fáti skipaði hann hinum krökkunum að fara að lita, en Nonna litla tók hann afsíðis.
Er þetta alveg satt sem þú sagðir um hann pabba þinn ... dansinn og allt það? Nei, nei, sagði Nonni litli feiminn. Pabbi vinnur hjá Kaupþingi-Búnaðarbanka en ég þorði sko alls ekki að segja það fyrir framan hina krakkana.
fimmtudagur, 27. nóvember 2003
Þjófstartað
Ég er nú meiri púkinn. Ég sagðist ætla að koma við upp í Odda á leið minni heim frá Bókhlöðunni svo við Baldur gætum verið samferða heim. Í staðinn arkaði ég bara beint heim og setti upp litla, míni jólaseríu. Já, ég veit ég ætlaði að bíða þar til á morgun en ég bara gat það ekki!
Ég setti litla, sæta, rauða seríu á eldhúsinnréttinguna og nú rauðglóir eldhúsið í skammdeginu. Mjög kósý. Nú er bara að sjá hvað Baldri finnst, hann veit nefnilega ekki af þessu þjófstarti mínu ennþá. Ætli hann sé tilbúinn að fara í jólaskap eins og ég?
Ég setti litla, sæta, rauða seríu á eldhúsinnréttinguna og nú rauðglóir eldhúsið í skammdeginu. Mjög kósý. Nú er bara að sjá hvað Baldri finnst, hann veit nefnilega ekki af þessu þjófstarti mínu ennþá. Ætli hann sé tilbúinn að fara í jólaskap eins og ég?
Enn að
Enn er unnið að lausn reikningshaldsverkefnisins. Hvernig ætli það sé að vera hugmyndaríkur jarðvöðull? Ég varpa þessari spurningu einfaldlega til að nota þetta sérdeilis svala orð.
Ég er ekki alveg viss um hvað reikningshaldskennarinn minn, hann Bjarni, átti við en ég held hann hafi verið að tala um brautryðjendur.
Ég er ekki alveg viss um hvað reikningshaldskennarinn minn, hann Bjarni, átti við en ég held hann hafi verið að tala um brautryðjendur.
miðvikudagur, 26. nóvember 2003
Styttist
Í morgun var ég að renna yfir atriði síðustu vikna í stærðfræðinni. Upprifjun. Nú er nefnilega komið að síðasta hlutaprófi annarinnar í stærðfræði og jafnvel þótt víðar væri leitað.
Það styttist í kennslulok, þar með styttist í lokapróf og á eftir þeim kemur jólafríhíhí!
Það styttist í kennslulok, þar með styttist í lokapróf og á eftir þeim kemur jólafríhíhí!
zzz...
Ó mig auma, ég er enn á fótum og sjáið bara hvað klukkan er! Ég er enn upp á skrifstofu á Hótel Sögu og klukkan er að ganga þrjú. Sem þýðir að ég á eftir að labba alein heim í kuldanum og myrkrinu (sniff).
Annars er ég búin með ritgerðina mína fyrir hnattvæðingarkúrsinn sem ég á að skila á morgun og það er frábær staðreynd sem ég fíla :) Það þýðir að ég get strax í fyrramálið hafist handa á seinstu ritgerðinni minni :( - ekki svo skemmtileg tilhugsun. Jæja, ég get huggað mig við það að þegar henni er lokið má ég byrja að jólaskreyta og ef það er ekki huggun harmi gegn þá veit ég ekki hvað.
Úpps, klukkan meira gengin í þrjú, best að haska sér af stað út í þetta hvíta, kalda, mjúka... hvað kallast þetta aftur? Mér hefur verið tjáð að þetta hafi ekki sést á götum eða himni borgarinnar síðan á síðustu öld. Einhverra hluta vegna er ég farin að syngja jólalög. Jæja, og nú heim!
Annars er ég búin með ritgerðina mína fyrir hnattvæðingarkúrsinn sem ég á að skila á morgun og það er frábær staðreynd sem ég fíla :) Það þýðir að ég get strax í fyrramálið hafist handa á seinstu ritgerðinni minni :( - ekki svo skemmtileg tilhugsun. Jæja, ég get huggað mig við það að þegar henni er lokið má ég byrja að jólaskreyta og ef það er ekki huggun harmi gegn þá veit ég ekki hvað.
Úpps, klukkan meira gengin í þrjú, best að haska sér af stað út í þetta hvíta, kalda, mjúka... hvað kallast þetta aftur? Mér hefur verið tjáð að þetta hafi ekki sést á götum eða himni borgarinnar síðan á síðustu öld. Einhverra hluta vegna er ég farin að syngja jólalög. Jæja, og nú heim!
þriðjudagur, 25. nóvember 2003
Ritgerð, ritgerð og... jú ritgerð
Læt loks í mér heyra. Hef verið ansi upptekin þessa önn enda fyrsta önnin í meistaranámi svo það er vissara að hafa nóg fyrir stafni, annars er eitthvað mis :)
Hef setið sveitt (ja... kannski smá ýkjur) við undanfarna daga að klára ritgerðir eins og þorri annarra háskólanema geri ég ráð fyrir. Kem til með að skila þeirri fyrstu eftir nákvæmlega 27 mínútur og er sátt við hana. Á morgun á svo að skila annarri ritgerð (ekki búin með hana) og á föstudaginn rétt fyrir kl. 11 að morgni verð ég laus allra mála vona ég þegar seinasta ritgerðin rennur úr hlaði.
Jæja, læt þetta duga í bili af námsfréttum - vonandi heyrið þið aftur í mér fyrir jól!
Hef setið sveitt (ja... kannski smá ýkjur) við undanfarna daga að klára ritgerðir eins og þorri annarra háskólanema geri ég ráð fyrir. Kem til með að skila þeirri fyrstu eftir nákvæmlega 27 mínútur og er sátt við hana. Á morgun á svo að skila annarri ritgerð (ekki búin með hana) og á föstudaginn rétt fyrir kl. 11 að morgni verð ég laus allra mála vona ég þegar seinasta ritgerðin rennur úr hlaði.
Jæja, læt þetta duga í bili af námsfréttum - vonandi heyrið þið aftur í mér fyrir jól!
mánudagur, 24. nóvember 2003
Hrappur og Skellur
Þessa dagana er ég að vinna í síðasta skilaverkefni annarinnar. Verkefnið er í reikningshaldi og tryggir manni próftökurétt auk þess að vera ágæt æfing.
Ekki eru viðskiptamennirnir í verkefninu félegir. Fyrirtækin heita t.d. Hrappur, Skellur og Sandkastalinn. Ekki þarf að spyrja að því að Hrappur ehf. skuldar mér. Í Lögbirtingarblaðinu var hann svo listaður upp ásamt öðrum vandræðagemsum og kom þar fram að engar eignir hefðu fundist í búinu að lokinni skiptameðferð. Eru þetta einhverjir Glistrup gæjar? Hrappur, ef þú lest þetta þá skaltu vita að enginn svíkur Baldur í Líf og leik ehf. Enginn!
Þetta var aðeins hættulaust útsýnisflug. Vonandi voru allir með beltin spennt en hafi einhverjar les-endur orðið fyrir óþægindum undanfarnar tvær mínútur eru þær beðnar velvirðingar. Það sem við flugum yfir var hin sandblásna og sýrubaðaða eyðieyja Reikningshald 1. Vonandi nutuð þið ferðarinnar, takk fyrir.
Ekki eru viðskiptamennirnir í verkefninu félegir. Fyrirtækin heita t.d. Hrappur, Skellur og Sandkastalinn. Ekki þarf að spyrja að því að Hrappur ehf. skuldar mér. Í Lögbirtingarblaðinu var hann svo listaður upp ásamt öðrum vandræðagemsum og kom þar fram að engar eignir hefðu fundist í búinu að lokinni skiptameðferð. Eru þetta einhverjir Glistrup gæjar? Hrappur, ef þú lest þetta þá skaltu vita að enginn svíkur Baldur í Líf og leik ehf. Enginn!
Þetta var aðeins hættulaust útsýnisflug. Vonandi voru allir með beltin spennt en hafi einhverjar les-endur orðið fyrir óþægindum undanfarnar tvær mínútur eru þær beðnar velvirðingar. Það sem við flugum yfir var hin sandblásna og sýrubaðaða eyðieyja Reikningshald 1. Vonandi nutuð þið ferðarinnar, takk fyrir.
laugardagur, 22. nóvember 2003
Ýmislegt
Allt gott af okkur. Keyptum tölvu í gær, alltaf gaman að fá eitthvað nýtt. Þessa dagana höfum við verið dugleg að fá okkur eitthvað nýtt, fengum okkur líka smá kommóðu í ganginn og nýja mottu. Þannig að síðan ég bloggaði síðast hef ég lítið gert annað en að læra og eyða, djók.
Þetta er fínt allt saman. Er að verða búinn í vinnunni, smá trafík hér í dag, fólk duglegt að vinna. Gott hjá því. Jammajammíjamm og góða nótt bara.
Þetta er fínt allt saman. Er að verða búinn í vinnunni, smá trafík hér í dag, fólk duglegt að vinna. Gott hjá því. Jammajammíjamm og góða nótt bara.
mánudagur, 17. nóvember 2003
Uppgjör virðisauka
Jæja, búinn með megnið af reikningshaldi dagsins. Þá er líklega best að skella sér niður á kaffistofu og smjatta á smá ma-kríli. Að öllum líkindum mun ég svo halda aftur upp stigann og gera upp fleiri vaskreikninga eða eitthvað í þeim dúr. Í dag er nefnilega reikningshaldsdagur :)
Alls engin pattstaða
Í morgun ætluðum við að fara að lyfta en hættum við. Ástæðan fyrir því var sú að þegar við stilltum vekjaraklukkurnar í gærkveldi þá gleymdum við að reikna með tíma í að hjóla því við erum ekki enn búin að fara að láta tékka á bílnum. Ekki var nú málið svo alvarlegt að við værum í pattstöðu. Nei, aldeilis ekki! Við tókum bara fram útiskóna og skelltum okkur í hálftíma kraftgöngu.
Vegna forfalla í morgun verður farið að lyfta í fyrramálið, sama hvað.
Vegna forfalla í morgun verður farið að lyfta í fyrramálið, sama hvað.
sunnudagur, 16. nóvember 2003
Harkan sex
Jæja, hálfur mánuður eftir af kennslunni. Er uppi í skóla núna eins og ég mun sennilega verða alla næstu daga. Maður verður að sýna smá úthald á endasprettinum. Er það ekki?
laugardagur, 15. nóvember 2003
Hábeinn
Í dag fótbrotnaði ég ekki (so far) og var svo heppinn að fá ekki hjartaáfall í prófi. Þetta segi ég að gefnu tilefni. Ég er svo ári jákvæður gæji.
Í gær var ég heima að læra fyrir prófið og eftir ákveðinn tíma ætlaði ég að skella mér í krossapróf á netinu. Þá ákvað tölvan að fá það sem ég kalla taugaáfall dauðans. Þar sem tölvan virkaði ekki og ég var hættur að virka að mestu leyti spurði ég Ásdísi hvort hún væri ekki til í stuttan labbara.
Hún stakk upp á sundferð og fannst mér það vera snjallræði svo við bara stukkum út í bíl og... ...hann var rafmagnslaus. Á þessu augnabliki áttaði ég mig á því að einhver eða eitthvað hlyti að hafa ansi fastmótaðar hugmyndir um að ég skyldi sitja heima og læra the good old fashion way. Svo ég bara gerði það og hafði gaman af.
Eins og fram hefur komið er ég alheill og sæll. Það eina sem hefur breyst eru aðstæður. Ég er nú almennt svo heppinn að Hábeinn heppni ætti að öfunda mig, t.d. gengur hann um allt buxnalaus og enginn bendir honum á það. Það myndi nú teljast fremur óheppilegt í voru samfélagi.
Í gær var ég heima að læra fyrir prófið og eftir ákveðinn tíma ætlaði ég að skella mér í krossapróf á netinu. Þá ákvað tölvan að fá það sem ég kalla taugaáfall dauðans. Þar sem tölvan virkaði ekki og ég var hættur að virka að mestu leyti spurði ég Ásdísi hvort hún væri ekki til í stuttan labbara.
Hún stakk upp á sundferð og fannst mér það vera snjallræði svo við bara stukkum út í bíl og... ...hann var rafmagnslaus. Á þessu augnabliki áttaði ég mig á því að einhver eða eitthvað hlyti að hafa ansi fastmótaðar hugmyndir um að ég skyldi sitja heima og læra the good old fashion way. Svo ég bara gerði það og hafði gaman af.
Eins og fram hefur komið er ég alheill og sæll. Það eina sem hefur breyst eru aðstæður. Ég er nú almennt svo heppinn að Hábeinn heppni ætti að öfunda mig, t.d. gengur hann um allt buxnalaus og enginn bendir honum á það. Það myndi nú teljast fremur óheppilegt í voru samfélagi.
föstudagur, 14. nóvember 2003
Allt annað líf
Síðast þegar ég bloggaði þá vorum við nett. Nú erum við orðin nettari. Nettengingin hefur að vísu ekkert breyst en vinnuaðstaðan hefur batnað til muna. Undanfarið höfum við haft japanska vinnuaðstöðu, þá á ég við að til þess að hafa skjáinn í skikkanlegri vinnuhæð var gólfið besti kosturinn til setu.
Þessu kipptum við hins vegar í liðinn í gær og keyptum netta einingu sem hentar vel, sérstaklega ef manni finnst betra að sitja í stól. Nú sit ég í stól og blogga og lyklaborðið er ekki á lærunum á mér heldur á borði fyrir framan mig. Allt annað líf!
Ég er orðinn frekar þreyttur á þessari færslu þar sem bloggerinn vill ekki virka rétt. Það var einhver viðbót hér en þið missið bara af henni í bili.
Þessu kipptum við hins vegar í liðinn í gær og keyptum netta einingu sem hentar vel, sérstaklega ef manni finnst betra að sitja í stól. Nú sit ég í stól og blogga og lyklaborðið er ekki á lærunum á mér heldur á borði fyrir framan mig. Allt annað líf!
Ég er orðinn frekar þreyttur á þessari færslu þar sem bloggerinn vill ekki virka rétt. Það var einhver viðbót hér en þið missið bara af henni í bili.
mánudagur, 10. nóvember 2003
Nett
Nú erum við nett. Eins og flestir vita þá lagaði ég tölvuna okkar um helgina og nú erum við nett. Nett hvað? Þetta er nýtt slanguryrði sem ég ætla að innleiða í okkar ástkæra ylhýra mál. En hvað þýðir það?
Kommoon, það er stytting á nettengd, nettengdur og svoleiðis. Nú þegar maður er orðinn nettur má búast við því að maður verði meiri þátttakandi í samfélaginu og kynni sér oftar hvað sé á seyði á t.d. mbl.is.
Kommoon, það er stytting á nettengd, nettengdur og svoleiðis. Nú þegar maður er orðinn nettur má búast við því að maður verði meiri þátttakandi í samfélaginu og kynni sér oftar hvað sé á seyði á t.d. mbl.is.
laugardagur, 8. nóvember 2003
Mikið fjör
Við náðum á fyrirlesturinn hans Attenborough og ekki nóg með það heldur hittum við gaurinn og fengum eiginhandaráritun. Fyrirlesturinn var mjög skemmtilegur og var í raun bara heppni að við skyldum komast inn. Líklega hefði verið eðlilegra að halda þetta í Háskólabíói þar sem margir fóru fýluferð. Fyrirlesturinn endaði á umfjöllun um paradísarfuglinn sem er sennilega eitt svalasta dýr jarðar, þvílíkir töffarar!
Eftir fyrirlestur og áritun hittum við svo Stellu Soffíu og fengum hjá henni tvær myndir og geisladisk. Líklega hefur Stella smitað mig af vírus sem er víst að gera út af við heimsbyggðina. Ég held að ég sé með krónískt tilfelli og ætla ekki að reyna neinar lækningaaðferðir. Mér er sagt að það sé hægt að lifa með þessu ansi lengi.
Eftir fyrirlestur og áritun hittum við svo Stellu Soffíu og fengum hjá henni tvær myndir og geisladisk. Líklega hefur Stella smitað mig af vírus sem er víst að gera út af við heimsbyggðina. Ég held að ég sé með krónískt tilfelli og ætla ekki að reyna neinar lækningaaðferðir. Mér er sagt að það sé hægt að lifa með þessu ansi lengi.
laugardagur, 1. nóvember 2003
fimmtudagur, 30. október 2003
Stjórnleysið algjört
Nú verður tíminn að enda. Ég er svo svangur... Í augnablikinu held ég að maginn á mér sitji við stjórnvölinn. Ég veit þetta hljómar fjarstæðukennt fyrir þá sem þekkja mig vel.
Matur, matur, maaaatur. Einhversstaðar las ég að til að borða fíl þá sé best að taka einn bita í einu. Í augnablikinu vil ég fá einn fíl í einu, takk, með smjöri og kartöflum.
Matur, matur, maaaatur. Einhversstaðar las ég að til að borða fíl þá sé best að taka einn bita í einu. Í augnablikinu vil ég fá einn fíl í einu, takk, með smjöri og kartöflum.
Stjórnun
Nú sit ég í stjórnunartíma. Líklega er það ákveðið stjórnleysi að vera að blogga í miðjum tíma en það er nú í lagi. Sem stendur er kennarinn, hún Inga Jóna, að tala um væntingakenningar og umbun.
Næstu dagar munu mjög sennilega fara í að vinna lokaverkefni í stjórnun 1. Ætli maður þurfi ekki að temja sér eitthvað af kenningum um markmiðsbundna stjórnun áður en maður ræðst út í svona hópverkefni? Sennilega væri það ekki verra.
Nú er hún að tala um framlag og afrakstur. Ég er hættur að blogga í bili og fer aftur að glósa. Síjúleiter.
Næstu dagar munu mjög sennilega fara í að vinna lokaverkefni í stjórnun 1. Ætli maður þurfi ekki að temja sér eitthvað af kenningum um markmiðsbundna stjórnun áður en maður ræðst út í svona hópverkefni? Sennilega væri það ekki verra.
Nú er hún að tala um framlag og afrakstur. Ég er hættur að blogga í bili og fer aftur að glósa. Síjúleiter.
miðvikudagur, 29. október 2003
Lyftingar og skóli, það er lífið
Var að koma úr Reikningshaldstíma og ákvað að droppa inn smá færslu. Allt er gott af okkur að segja. Lyftingar og skóli ganga samkvæmt áætlun. Í kvöld ætlum við í bíó. Ég veit ekki hvaða mynd við ætlum að sjá.Við fengum boðsmiða svo það er best að skella sér.
Það er kominn vetur og líklega er best að ég fari og kaupi sköfu fyrir bílinn. Ekki ætla ég að fjölyrða meira um hvunndaginn, hann rokkar ágætlega óstuddur og án málalenginga. Ég kýs að ganga út í hann, svangur (það stendur til bóta) en bjartsýnn.
Það er kominn vetur og líklega er best að ég fari og kaupi sköfu fyrir bílinn. Ekki ætla ég að fjölyrða meira um hvunndaginn, hann rokkar ágætlega óstuddur og án málalenginga. Ég kýs að ganga út í hann, svangur (það stendur til bóta) en bjartsýnn.
laugardagur, 25. október 2003
Flöbbur
Í gærkvöldi fengum við pizzu hjá Elfari. Við vorum ekki í neinu eldustuði þannig að einhver á einhverjum pizzastað bjó til fyrir okkur pizzur. Í hádeginu í dag fengum við okkur svo afganginn af pizzunum. En nóg um pizzur gærdagsins. Tölum um pizzur dagsins í dag. Líklega haldið þið að ég sé orðinn geðveikur en við ætlum að baka tvær pizzur í kvöld. hahahhhaha! Sagði einhver pizzah? Íííík!
Einhversstaðar heyrði ég pizzur kallaðar flatbökur sem þróaðist út í flöbbur. Það sem eftir lifir af þessari færslu verður talað um flöbbur og nú er hún búin :)
Einhversstaðar heyrði ég pizzur kallaðar flatbökur sem þróaðist út í flöbbur. Það sem eftir lifir af þessari færslu verður talað um flöbbur og nú er hún búin :)
föstudagur, 24. október 2003
Hvað er á seyði?
Í gær var frí í stjórnun og í dag er frí í þjóðhagfræði. Ég ætla sannarlega ekki að láta mér leiðast eða setjast stúrinn og vorkenna sjálfum mér. Nehei! Ég ætla að vaða í námsefnið með penna fyrir lensu og vitsmunahroka sem skjöld.
Spurning hvort ég klæðist hefðbundinni riddarablikkdós, tarzan skýlu eða fjölbragðaglímuaxlabandagalla... Ég held að vitsmunahrokinn sé fremur stökkt efni í skjöld svo ég finn eitthvað annað.
Spurning hvort ég klæðist hefðbundinni riddarablikkdós, tarzan skýlu eða fjölbragðaglímuaxlabandagalla... Ég held að vitsmunahrokinn sé fremur stökkt efni í skjöld svo ég finn eitthvað annað.
fimmtudagur, 23. október 2003
Karrý
Síðan síðast hefur ýmislegt gerst. Í beinu framhaldi af síðustu færslu er eðlilegast að segja að rétturinn sem við smökkuðum, kjúklingabaunakarrýréttur, var frábær. Ég hef reyndar fundið fyrir örlitlum ófrómleika í hálsinum en líklega væri hann meiri ef ekki hefði komið karrýið.
Lífið á görðunum gengur ágætlega og virðist partýhald vera á undanhaldi (eða undanhald á partýhaldi?). Líklegt þykir mér að eftir því sem líði á önnina fækki partýum, mesti galsinn renni af hinum villuráfandi sauðum og skyldur hvunndagsins taki við. Hver veit svo nema búfénaður sá sem minnst var á læri til stafs og taki jafnvel jólapróf í ýmsum greinum. Vonandi gengur öllum bara vel.
Lífið á görðunum gengur ágætlega og virðist partýhald vera á undanhaldi (eða undanhald á partýhaldi?). Líklegt þykir mér að eftir því sem líði á önnina fækki partýum, mesti galsinn renni af hinum villuráfandi sauðum og skyldur hvunndagsins taki við. Hver veit svo nema búfénaður sá sem minnst var á læri til stafs og taki jafnvel jólapróf í ýmsum greinum. Vonandi gengur öllum bara vel.
laugardagur, 18. október 2003
Hverfandi líkur á ófrómleika
Um daginn fór Ásdís í Hagkaup og keypti nýju bókina hennar Sollu, Grænn kostur Hagkaupa. Bókin er prýdd sérdeilis fallegum myndum af mörgum girnilegum réttum. Ljóst er að ómögulegt er að þjást af ófrómleika ef matur af þessu tagi er etinn reglulega. Við ætlum að prufa eina uppskrift í kvöld.
Orðið ófrómleiki var notað í þessari færslu. Líklega tók enginn eftir því þar sem orðið flokkast undir selfölgeligheder. Reikningshalds-kennarinn minn notaði þetta orð í tíma um daginn og fannst mér að þarna væri á ferðinni svalt orð. Ég bara varð að nota það.
Orðið ófrómleiki var notað í þessari færslu. Líklega tók enginn eftir því þar sem orðið flokkast undir selfölgeligheder. Reikningshalds-kennarinn minn notaði þetta orð í tíma um daginn og fannst mér að þarna væri á ferðinni svalt orð. Ég bara varð að nota það.
mánudagur, 13. október 2003
Á gervihnattaöld
Það er nú meira! Ég bara skil ekki hvers vegna kvörtunum rignir ekki inn. Hmmm... Það er nefnilega þannig að þann tíunda október síðastliðinn átti Smáralind tveggja ára afmæli og ég bara minnist ekki á það fyrr en núna!
Það sem er svona merkilegt við afmæli reðurtáknsins ógurlega er að forráðamenn þess ákváðu að opna það sama dag og við opnuðum dagbókina :)
Það sem er svona merkilegt við afmæli reðurtáknsins ógurlega er að forráðamenn þess ákváðu að opna það sama dag og við opnuðum dagbókina :)
sunnudagur, 12. október 2003
Rocksolid stagfræðingur
Jæja nú er vinnuhelgin að enda. Hef haft það fínt hérna og tekið á móti mörgum og góðum gestum. Af vinnuhelginni tekur svo við ein samsoðin massalestrar og lærdómsvika. Það er því eins gott að halda vel á laufunum og gerast gegnheill í stagfræðinni :)
miðvikudagur, 8. október 2003
Allir í stuði
Var að koma úr tíma í reikningshaldi. Er nú staddur á Bókhlöðunni, ákvað að skila bók sem ég var með í láni. Eins gott að nýta ferðina í smá blogg. Nenni þó ómögulega að vera með einhverja tölu. Kæru lesendur þið vitið þá í það minnsta að ég er enn á lífi.
laugardagur, 4. október 2003
Stagfræði
Er staddur í bókhlöðunni. Liggja nú fyrir verkefni í hagfræði og stærðfræði. Líklegt er að ég verði hagstærð, hægfræðingur eða stagfræðingur í lok dagsins. Til þess þarf ég líklega að halda betur á spöðunum en góðu hófi gegnir.
Lífið á görðunum gengur ágætlega og er elsku besta rútínan mín alveg að fara að jafna sig á því sjokki sem hún varð fyrir í flutningunum. Ef að líkum lætur verður næsta vika eðlileg. Í það minnsta eins eðlileg og unnt er ;)
Lífið á görðunum gengur ágætlega og er elsku besta rútínan mín alveg að fara að jafna sig á því sjokki sem hún varð fyrir í flutningunum. Ef að líkum lætur verður næsta vika eðlileg. Í það minnsta eins eðlileg og unnt er ;)
miðvikudagur, 1. október 2003
Staðan betri en menn höfðu vonað
Jammjamm. Nú eru flutningar með öllu afstaðnir og að mestu búið að koma sér fyrir. Þáðum ís og spjölluðum við Eygló og Magga í gærkveldi og lékum okkur við kettlingana. Einn þeirra heitir Jónatan og hann er óskaplega hændur að mér, steinsofnaði hjá mér og allt. Kettlingar eru frábærir.
Auglýstum ísskápinn í Fréttablaðinu í dag og seldum þeim fyrsta sem hringdi. Þannig að ef þú, lesandi góður, varst að pæla í að kaupa hann þá þarftu að tala við einhvern annan en okkur.
Næstu dagar fara í að koma sér aftur á rétt ról í skólanum, hlutirnir fara óneitanlega úr skorðum þegar allt fer á annan endann. Reyndar vill svo fruntalega heppilega til að fyrir flensu og fyrir flutninga var ég þokkalega á undan áætlun svo þetta er nú þó nokkuð fjarri því að vera óvinnandi verk :)
Ef einhver er hissa á fyrirsögninni þá er það ágætt. Ég var ekki viss hvað ég ætti að setja svo ég setti þetta.
Auglýstum ísskápinn í Fréttablaðinu í dag og seldum þeim fyrsta sem hringdi. Þannig að ef þú, lesandi góður, varst að pæla í að kaupa hann þá þarftu að tala við einhvern annan en okkur.
Næstu dagar fara í að koma sér aftur á rétt ról í skólanum, hlutirnir fara óneitanlega úr skorðum þegar allt fer á annan endann. Reyndar vill svo fruntalega heppilega til að fyrir flensu og fyrir flutninga var ég þokkalega á undan áætlun svo þetta er nú þó nokkuð fjarri því að vera óvinnandi verk :)
Ef einhver er hissa á fyrirsögninni þá er það ágætt. Ég var ekki viss hvað ég ætti að setja svo ég setti þetta.
mánudagur, 29. september 2003
Umræðutími
Var að koma úr umræðutíma í stjórnun. Gekk geðveikt vel, enda heitir hópurinn okkar Besti hópurinn, rís meira að segja undir nafni (hehe). Það var einmitt frekar fyndið um daginn þegar kennarinn, Vilborg, var að lesa upp hópana. Hvar er besti hópurinn? Ég sá að alla langaði að svara en við vorum besti hópurinn og vorum þau einu sem þorðu að hlýða því kalli.
laugardagur, 27. september 2003
Vantar einhvern ísskáp?
Nú erum við búin að taka upp úr aðalkössunum, búin að flytja lögheimilið, búin að kaupa þau húsgögn sem vantaði mest. Eldhúsborðið, stólana og hillurnar fengum við í Ikea. Við settum líka upp Lundia eininguna okkar en þurftum að kaupa svona krossasystem til að hún geti staðið sjálf, það má nefnilega ekki skrúfa neitt í veggina í þessari ágætu íbúð.
Ég sit nú í vinnunni en Ásdís stendur í eftirmálum flutninga.
Ef einhvern vantar fínan ísskáp þá ætti sá hinn sami að hafa samband við mig eða Ásdísi.
Ég sit nú í vinnunni en Ásdís stendur í eftirmálum flutninga.
Ef einhvern vantar fínan ísskáp þá ætti sá hinn sami að hafa samband við mig eða Ásdísi.
fimmtudagur, 25. september 2003
Flutt! (story of my life)
Fengum íbúðina afhenta degi fyrir tímann svo gærdagurinn, sem átti að fara í að pakka, fór í það að flytja allt saman yfir á nýja staðinn. Við fengum frábæra hjálp frá góðum ættingjum. Pétur afi ferjaði allt matarbúrið okkar, mamma þreif ísskáp og raðaði í skápa og pabbi og Andri komu á stóra trukknum frá JB og þeir ásamt Balduro mio mössuðu rúminu, sófanum, kommóðunni og öllum þessu stóru hlutum úr Hrauntungunni yfir á Eggertsgötuna. Við fylltum heilan sendibíl af dótinu okkar og þá blöskraði mér alveg, hvernig er hægt að eiga svona mikið drasl/dót?
Við vöknuðum svo í nýju íbúðinni í morgun og það var ágætlega góð tilbreyting að vilja ekki fara fram úr rúminu af því það var svo svalt í herberginu. Það er sem sagt gluggi á svefnherberginu og hann virkar!
Við erum þó langt frá því að vera búin að koma okkur fyrir, allt er enn í kössum og maður var ansi ringlaður í morgun, gramsandi í kössum eftir mat í svangan malla. Ég endaði á því að borða sem minnst (er haldin maníum eins og æ, ég nenni ekki að borða) og dreif mig út í Odda til að komast á netið og sjá hversu ómissandi ég var þennan eina dag sem ég komst ekki á netið.
Í tölvuverinu fékk ég óvæntan morgunverð, jarðarberja ab-mjólk sem ein stelpan, sem sat við hliðina á mér, missti yfir alla höndina á mér. Í staðinn fyrir að sleikja hana upp og fá smá næringu fannst mér réttast að þrífa hana af, ég held að flestir hefðu gert það :)
Í dag setjum við síðan markið á að versla húsgögn. Okkur vantar nebbla eldhúsborð og stóla, bókahillur og aðstöðu fyrir tölvuna. Svo væri skemmtilegra að hafa gardínur í gluggum.
Og svo ætlum við að skipta um lögheimili og póstfang og þannig kveðja Húsavík (hahahahaha).
Við vöknuðum svo í nýju íbúðinni í morgun og það var ágætlega góð tilbreyting að vilja ekki fara fram úr rúminu af því það var svo svalt í herberginu. Það er sem sagt gluggi á svefnherberginu og hann virkar!
Við erum þó langt frá því að vera búin að koma okkur fyrir, allt er enn í kössum og maður var ansi ringlaður í morgun, gramsandi í kössum eftir mat í svangan malla. Ég endaði á því að borða sem minnst (er haldin maníum eins og æ, ég nenni ekki að borða) og dreif mig út í Odda til að komast á netið og sjá hversu ómissandi ég var þennan eina dag sem ég komst ekki á netið.
Í tölvuverinu fékk ég óvæntan morgunverð, jarðarberja ab-mjólk sem ein stelpan, sem sat við hliðina á mér, missti yfir alla höndina á mér. Í staðinn fyrir að sleikja hana upp og fá smá næringu fannst mér réttast að þrífa hana af, ég held að flestir hefðu gert það :)
Í dag setjum við síðan markið á að versla húsgögn. Okkur vantar nebbla eldhúsborð og stóla, bókahillur og aðstöðu fyrir tölvuna. Svo væri skemmtilegra að hafa gardínur í gluggum.
Og svo ætlum við að skipta um lögheimili og póstfang og þannig kveðja Húsavík (hahahahaha).
þriðjudagur, 23. september 2003
Pamfílar -framhaldið
Hver man ekki eftir hinum dularfulla lista sem nefndur hefur verið hér á heimasíðunni oftar en í tvígang. Við vorum á þessum lista til að fá íbúð á Stúdentagörðum. Hann heyrir nú sögunni til. Ástæðan fyrir því er góð og gild. Í gær var hringt í Ásdísi frá Stúdentagörðum og henni tilkynnt að íbúð hefði losnað sem hentaði okkur.
Við skunduðum til að skoða íbúðina um ellefuleytið, leist vel á og skráðum okkur hana. Við áttum alls ekki von á að þetta myndi ske fyrr en um áramót þar sem við vorum enn í tíunda sæti. Svona er það nú bara hjá pamfílunum.
Við fórum því í 10-11 og fengum fullt af kössum og erum byrjuð að pakka smá. Það eru nú samt blendnar tilfinningar sem fylgja þessu öllu saman því ekki eru nágrannar eins og Eygló og Maggi á hverju strái. Maður vonar bara það besta og smælar framan í heiminn. Því eins og meistari Megas sagði réttilega: Ef þú smælar framan í heiminn þá smælar heimurinn framan í þig.
Við skunduðum til að skoða íbúðina um ellefuleytið, leist vel á og skráðum okkur hana. Við áttum alls ekki von á að þetta myndi ske fyrr en um áramót þar sem við vorum enn í tíunda sæti. Svona er það nú bara hjá pamfílunum.
Við fórum því í 10-11 og fengum fullt af kössum og erum byrjuð að pakka smá. Það eru nú samt blendnar tilfinningar sem fylgja þessu öllu saman því ekki eru nágrannar eins og Eygló og Maggi á hverju strái. Maður vonar bara það besta og smælar framan í heiminn. Því eins og meistari Megas sagði réttilega: Ef þú smælar framan í heiminn þá smælar heimurinn framan í þig.
mánudagur, 22. september 2003
Lukkunar pamfílar
Á laugardagseftirmiðdag vorum við heima að ganga frá í rólegheitunum þegar síminn hringdi. Var það María, frænka Ásdísar, að bjóða okkur í leikhús. Það er nú ekki alveg á hverjum degi sem manni er boðið sisona og ekki þarf að taka fram að við þáðum miðana með þökkum. Í leikhúsinu skemmtum við okkur konunglega, enda ekki annað hægt þegar Erling er annars vegar.
Í gær stóðum við líka í stórræðum. Þannig er nefnilega mál með vexti að foreldrar Sigrúnar hans Andra voru eitthvað að endurnýja sófamálin hjá sér og hafði Sigrún boðið okkur gamla sófasettið í heild sinni. Í gær fórum við sumsé og sóttum allt heila gilimóið og þökkuðum fyrir okkur. Ekki amalegt sófasett þarna á ferðinni, eins og nýtt og úr svakafínu leðri.
Sófasettið fórum við með í geymslu til Péturs afa. Ekki virtist lukkan ætla að taka endi því afi bauð okkur út að borða Á næstu grös. Þar fengum við þennan svaka fína mat og eftir hann röltum við á Súfistann, drukkum súkkulaðikaffi, lásum góðar bækur og kjöftuðum.
Frábær helgi!
Í gær stóðum við líka í stórræðum. Þannig er nefnilega mál með vexti að foreldrar Sigrúnar hans Andra voru eitthvað að endurnýja sófamálin hjá sér og hafði Sigrún boðið okkur gamla sófasettið í heild sinni. Í gær fórum við sumsé og sóttum allt heila gilimóið og þökkuðum fyrir okkur. Ekki amalegt sófasett þarna á ferðinni, eins og nýtt og úr svakafínu leðri.
Sófasettið fórum við með í geymslu til Péturs afa. Ekki virtist lukkan ætla að taka endi því afi bauð okkur út að borða Á næstu grös. Þar fengum við þennan svaka fína mat og eftir hann röltum við á Súfistann, drukkum súkkulaðikaffi, lásum góðar bækur og kjöftuðum.
Frábær helgi!
laugardagur, 20. september 2003
Af prímötum
Jæja nú er ég búinn í tímum í dag. Já það er kennt á laugardögum. Ég kemst að vísu bara annan hvern út af vinnunni en það er allt í lagi þar sem tvö af þremur fögum eru kennd annan hvern laugardag.
Þessa stundina sit ég á bókhlöðunni og er að lesa þjóðhagfræði. Bókin sem við notum er eftir Mankiw en hann er einmitt ráðgjafi Bush yngri. Ég hef heyrt að Bush eldri kalli stefnu Bush yngri voodoo economics. Það á hann víst að hafa sagt um stefnu Reagans á sínum tíma en sagt hefur verið að prógrammið hjá Bush yngri svipi til hennar. Kannski væri rétt að kalla Bush yngri barasta Bush baby.
Tekið skal fram að allt efni í þessari færslu er birt í fullkomnu ábyrgðarleysi og er eingöngu ætlað til skemmtunar.
Þessa stundina sit ég á bókhlöðunni og er að lesa þjóðhagfræði. Bókin sem við notum er eftir Mankiw en hann er einmitt ráðgjafi Bush yngri. Ég hef heyrt að Bush eldri kalli stefnu Bush yngri voodoo economics. Það á hann víst að hafa sagt um stefnu Reagans á sínum tíma en sagt hefur verið að prógrammið hjá Bush yngri svipi til hennar. Kannski væri rétt að kalla Bush yngri barasta Bush baby.
Tekið skal fram að allt efni í þessari færslu er birt í fullkomnu ábyrgðarleysi og er eingöngu ætlað til skemmtunar.
föstudagur, 19. september 2003
Vitkinn talar
Ég þraukaði nú allan daginn í gær og er alltaf að hressast. Í morgun mætti ég meira að segja í ræktina! Jahá! Ég bara mætti í ræktina... Það er lítið mál að mæta en það er víst ekki það sama og að gera. Ég fór bara í gufuna á meðan Ásdís púlaði frammi. Það var alveg reglulega fínt.
Ég ætla ekki að hefja æfingar aftur fyrr en í næstu viku, enda djúpvitur eins og fram hefur komið. Eftir veikindin er líka nóg að gera í skólanum svo ég sinni honum bara meira í staðinn.
Ég ætla ekki að hefja æfingar aftur fyrr en í næstu viku, enda djúpvitur eins og fram hefur komið. Eftir veikindin er líka nóg að gera í skólanum svo ég sinni honum bara meira í staðinn.
fimmtudagur, 18. september 2003
Skítaástand... og þó
Jæja nú er ég klæddur og kominn á ról! Ég held samt að ég sé of snemma í því.
Fyrir þá sem ekki hafa fengið lýsingu í beinni þá er ég búinn að liggja í flensurusli síðan á sunnudagskvöld. Því miður eru allar líkur á að ég geri það sama í dag :( Það er líka betra að vera seif en sorrí :)
Í gær dreymdi Ásdísi einhvern helling og þegar hún var búin að segja mér frá því sagði ég henni að þetta þýddi að nú yrði hún að kíkja á listann fræga. Hún kíkti og viti menn: við erum númer ellefu.
Þetta þýðir hvað? Jú þetta þýðir að Ásdís er berdreyminn og ég djúpvitur. Haha!
Fyrir þá sem ekki hafa fengið lýsingu í beinni þá er ég búinn að liggja í flensurusli síðan á sunnudagskvöld. Því miður eru allar líkur á að ég geri það sama í dag :( Það er líka betra að vera seif en sorrí :)
Í gær dreymdi Ásdísi einhvern helling og þegar hún var búin að segja mér frá því sagði ég henni að þetta þýddi að nú yrði hún að kíkja á listann fræga. Hún kíkti og viti menn: við erum númer ellefu.
Þetta þýðir hvað? Jú þetta þýðir að Ásdís er berdreyminn og ég djúpvitur. Haha!
laugardagur, 13. september 2003
Góð kenning
Smvmkaæt rsónunkanm eknss hsókláa sipkitr röð sftaa í oðri egnu mlái, það enia sem mlái stkpiir er að fsrtyi og saðítsi sfaitunrn í hjevru oðri eru á rtéutm satð. Aagfgni snaftana er hgæt að vxlía og smat hgæt að lsea txaetnn án eireiðfkla.
Acocdrnig to an elgnsih unviesitry sutdy the oredr of letetrs in a wrod dosen't mttaer, the olny thnig thta's iopmrantt is that the frsit and lsat ltteer of eevry word is in the crcreot ptoision. The rset can be jmbueld and one is stlil able to raed the txet wiohtut dclftfuiiy.
Acocdrnig to an elgnsih unviesitry sutdy the oredr of letetrs in a wrod dosen't mttaer, the olny thnig thta's iopmrantt is that the frsit and lsat ltteer of eevry word is in the crcreot ptoision. The rset can be jmbueld and one is stlil able to raed the txet wiohtut dclftfuiiy.
fimmtudagur, 11. september 2003
Blæbrigðamunur
Mér líður nú svolítið eins og ég sé að leika í myndinni Groundhog Day. Hvers vegna? Þið komist að því þegar þið lesið færsluna.
Í gær eftir skóla fórum við Ásdís á Subway (nýtt) og svo í bíó á bresku kvikmyndadagana (enn og enn og aftur). Við sáum myndina Plots with a View (nýtt). Mæli með henni (gamalt). Fullt af hágæða leikurum sem fara á fullt af kostum.
Eins og sjá má er eilítill blæbrigðamunur á þessari færslu og þeirri sem ég skrifaði í gær. Hann mun þó ekki vera augljós og hefi ég því merkt sérstaklega við nýjungar og gamlungar. Þetta ætti að hjálpa lesendum að glöggva sig á hvað þarf að lesa og hvað ekki.
Að lokum ber að nefna að ef ég nefni hlutinn oftar en einu sinni er allt eins öruggt að hann sé til prófs. Hafið því augun opin.
Í gær eftir skóla fórum við Ásdís á Subway (nýtt) og svo í bíó á bresku kvikmyndadagana (enn og enn og aftur). Við sáum myndina Plots with a View (nýtt). Mæli með henni (gamalt). Fullt af hágæða leikurum sem fara á fullt af kostum.
Eins og sjá má er eilítill blæbrigðamunur á þessari færslu og þeirri sem ég skrifaði í gær. Hann mun þó ekki vera augljós og hefi ég því merkt sérstaklega við nýjungar og gamlungar. Þetta ætti að hjálpa lesendum að glöggva sig á hvað þarf að lesa og hvað ekki.
Að lokum ber að nefna að ef ég nefni hlutinn oftar en einu sinni er allt eins öruggt að hann sé til prófs. Hafið því augun opin.
miðvikudagur, 10. september 2003
Magdalenur
Í gær eftir skóla fórum við Ásdís í bíó á bresku kvikmyndadagana, enn og aftur. Í þetta sinn var það myndin The Magdalene Sisters sem varð fyrir valinu. Ekkert review frekar en fyrri daginn. Mæli með henni. Ef þið ætlið að sjá einhverja af þessum bresku myndum í bíó þá verður það að vera fyrir 14. september, því þá eru þessir bresku dagar búnir.
þriðjudagur, 9. september 2003
Islande deux points
Um helgina fórum við í sumarbústað. Þar lærðum við, skipulögðum hina margrómuðu rútínu og lágum smá í leti. Þetta var notaleg helgi. Það varð nú ekkert úr neinum gönguplönum enda ekki hægt að gera allt í einu.
Í gær var skóli og áðurnefnt skipulag prufukeyrt með ágætum árangri. Í gær var líka fyrsti dæmatíminn í reikningshaldi. Í morgun var það gymmið, sneru líkamsmeiðingarnar fyrst og fremst að kassa og baki. Alltaf gaman á þannig æfingum.
Jæja ekkert mas! Fyrir þá sem vita af biðlistamálum okkar þá erum við farin úr hinu þjóðlega sæti 16 og komin í númer 14! Jibbíjíha!
Í gær var skóli og áðurnefnt skipulag prufukeyrt með ágætum árangri. Í gær var líka fyrsti dæmatíminn í reikningshaldi. Í morgun var það gymmið, sneru líkamsmeiðingarnar fyrst og fremst að kassa og baki. Alltaf gaman á þannig æfingum.
Jæja ekkert mas! Fyrir þá sem vita af biðlistamálum okkar þá erum við farin úr hinu þjóðlega sæti 16 og komin í númer 14! Jibbíjíha!
fimmtudagur, 4. september 2003
Rútína í mótun
Í gærkvöldi heimsótti ég Pétur afa og spjölluðum við í smástund, kíktum á prentarann hans og sendum ímeil. Svo varð ég að þjóta klukkan tíu því ég hef einsett mér að vera kominn í ró klukkan hálfellefu á kvöldin.
Það gekk svona c.a. í gærkvöldi enda vaknaði ég sprækur sem lækur u.þ.b. korter til tíu mínútur í sex og var fljótlega tilbúinn í slaginn eftir lýsi og ab mjólk. Þá var skundað í gymmið þar sem við tókum rækilega á því bæði tvö og nú er ég, samkvæmt áætlun, á bókhlöðunni að læra (reyndar er Ásdís að læra en ég að blogga).
Það gekk svona c.a. í gærkvöldi enda vaknaði ég sprækur sem lækur u.þ.b. korter til tíu mínútur í sex og var fljótlega tilbúinn í slaginn eftir lýsi og ab mjólk. Þá var skundað í gymmið þar sem við tókum rækilega á því bæði tvö og nú er ég, samkvæmt áætlun, á bókhlöðunni að læra (reyndar er Ásdís að læra en ég að blogga).
miðvikudagur, 3. september 2003
Dansi, dansi!
Þetta var nú meira fjörið! Ég mæli með þessu við alla. Við lærðum grunnspor og takta í foxtrot, djæf og vals. Tróðum lítillega á tám hvors annars, þurftum stundum að byrja aftur en gekk alveg ótrúlega vel þess á milli.
Það góða við svona dans er að maður hugsar ekki um neitt annað á meðan. Maður bara dansar og dansar og reynir að ná sporunum. Að vísu var ég svo einbeittur fyrst að ég kramdi höndina á Ásdísi og tók líka allt of stór skref, en svo lagaðist þetta.
Fram, fram, stutt, stutt! Aftur, aftur, stutt, stutt! Rokk, rokk, stutt, stutt! Þarna er smá sýnishorn af foxtrot en ef maður kann hann getur maður víst þóst kunna fullt af öðrum dönsum með eilitlum stílbrögðum. Það kemur áreiðanlega síðar.
Djæf er svolítið erfiðara að útskýra í svona bloggi enda voru þar ýmsir snúningar og hnykkir, Ásdís tók meira að segja svona bíómyndasnúninga fram og aftur. Í lokin til að róa okkur var tekinn kassavals sem er ósköp þægilegur. Að loknum danstíma var svo rúllað beint heim enda verður maður lúmskt lúinn af þessu tjútti.
Það góða við svona dans er að maður hugsar ekki um neitt annað á meðan. Maður bara dansar og dansar og reynir að ná sporunum. Að vísu var ég svo einbeittur fyrst að ég kramdi höndina á Ásdísi og tók líka allt of stór skref, en svo lagaðist þetta.
Fram, fram, stutt, stutt! Aftur, aftur, stutt, stutt! Rokk, rokk, stutt, stutt! Þarna er smá sýnishorn af foxtrot en ef maður kann hann getur maður víst þóst kunna fullt af öðrum dönsum með eilitlum stílbrögðum. Það kemur áreiðanlega síðar.
Djæf er svolítið erfiðara að útskýra í svona bloggi enda voru þar ýmsir snúningar og hnykkir, Ásdís tók meira að segja svona bíómyndasnúninga fram og aftur. Í lokin til að róa okkur var tekinn kassavals sem er ósköp þægilegur. Að loknum danstíma var svo rúllað beint heim enda verður maður lúmskt lúinn af þessu tjútti.
þriðjudagur, 2. september 2003
Samkvæmislyftingar og kraftdansar
Undanfarna tvo morgna höfum við Ásdís mætt í gymmið fyrir skóla. Þetta finnst mér gefa góða raun og er að pæla í að halda þessu áfram.
En við erum nú aldeilis ekki bara í gymminu. Það hefur verið nóg að gera í skólanum, sem er hið besta mál, og svo ætlum við að gerast bæði menningarleg og heilsusamleg í kvöld og skella okkur á dansnámskeið.
Það var nefnilega þannig að við höfðum einhvern tíma í fyrndinni talað um að það gæti nú verið gaman að kunna dans en svo var ekkert framkvæmt og ég beið bara eftir því að danssporin kæmu til mín, kannski finn ég galdraskó. Ég held að Ásdís hafi ekki trúað á þannig bull því hún bara skráði okkur á þetta dæmi.
Mér líst alveg frábærlega á þetta og hlakka mikið til. Lyftingar og dans eiga einmitt betur saman en margan grunar. Því ég man ekki betur en að Arnaldur, vinur minn, hafi notað ballett sem hluta af undirbúningi sínum fyrir vaxtarræktarmót :)
En við erum nú aldeilis ekki bara í gymminu. Það hefur verið nóg að gera í skólanum, sem er hið besta mál, og svo ætlum við að gerast bæði menningarleg og heilsusamleg í kvöld og skella okkur á dansnámskeið.
Það var nefnilega þannig að við höfðum einhvern tíma í fyrndinni talað um að það gæti nú verið gaman að kunna dans en svo var ekkert framkvæmt og ég beið bara eftir því að danssporin kæmu til mín, kannski finn ég galdraskó. Ég held að Ásdís hafi ekki trúað á þannig bull því hún bara skráði okkur á þetta dæmi.
Mér líst alveg frábærlega á þetta og hlakka mikið til. Lyftingar og dans eiga einmitt betur saman en margan grunar. Því ég man ekki betur en að Arnaldur, vinur minn, hafi notað ballett sem hluta af undirbúningi sínum fyrir vaxtarræktarmót :)
sunnudagur, 31. ágúst 2003
Vinna meira
Ég er að hugsa um að vinna á hverjum degi. Hér hef ég hvorki meira né minna en 7000 fermetra húsnæði til umráða, sítengingu við netið mér að kostnaðarlausu, sjónvarp, video, síma, laun og svo er best hvað ég er heppinn með mat.
Undanfarna tvo daga hef ég verið að vinna og báða dagana hefur Ásdís ofurgella komið með vægast sagt frábæran mat. Í gær bakaði hún dýrindis pizzu og í dag var það schnilldargóður linsupottréttur. Það væsir nú ekki um mann hér í höllinni.
Undanfarna tvo daga hef ég verið að vinna og báða dagana hefur Ásdís ofurgella komið með vægast sagt frábæran mat. Í gær bakaði hún dýrindis pizzu og í dag var það schnilldargóður linsupottréttur. Það væsir nú ekki um mann hér í höllinni.
laugardagur, 30. ágúst 2003
Allt eða ekkert
Eftir matarleiðangur föstudagsins fórum við á Grænan kost þar sem við höfðum mælt okkur mót við Elfar nokkurn. Þangað fórum við í matarpælingum enda held ég að ég hefði breyst í svarthol ef ég hefði ekki tekið í taumana á þeirri geigvænlegu þróun sem þegar var hafin.
Nákvæmlega, ég var að fokking-deyja úr hungri og þannig nennir maður nú ekki að vera til eilífðarnóns. Ef ég hefði breyst í svarthol hefði líklega enginn þurft að kaupa ryksugu framar.
Því var þrennt í stöðunni: að duga eða drepast, að éta eða ekki, hafa allar framtíðartekjur af heiðarlegum ryksugusölumönnum. Giskið á hvað ég valdi. Hárrétt! Ég át, enda ætlaði ég nú ekki að hafa lifibrauð áðurnefndra ryksugumanna af þeim. Ég bara er ekki þannig týpa. Einfaldlega allt of sætur í mér.
Eftir matinn skelltum við okkur í bíó þar sem við horfðum á myndina All or nothing sem er á breskum kvikmyndadögum Háskólabíós. Ég segi ykkur ekkert um hana því ég þoli ekki kvikmyndareview og ætla því ekki að sóa tíma ykkar né mínum í slíkt prump.
Góðar stundir.
Nákvæmlega, ég var að fokking-deyja úr hungri og þannig nennir maður nú ekki að vera til eilífðarnóns. Ef ég hefði breyst í svarthol hefði líklega enginn þurft að kaupa ryksugu framar.
Því var þrennt í stöðunni: að duga eða drepast, að éta eða ekki, hafa allar framtíðartekjur af heiðarlegum ryksugusölumönnum. Giskið á hvað ég valdi. Hárrétt! Ég át, enda ætlaði ég nú ekki að hafa lifibrauð áðurnefndra ryksugumanna af þeim. Ég bara er ekki þannig týpa. Einfaldlega allt of sætur í mér.
Eftir matinn skelltum við okkur í bíó þar sem við horfðum á myndina All or nothing sem er á breskum kvikmyndadögum Háskólabíós. Ég segi ykkur ekkert um hana því ég þoli ekki kvikmyndareview og ætla því ekki að sóa tíma ykkar né mínum í slíkt prump.
Góðar stundir.
föstudagur, 29. ágúst 2003
Hassperur
Jæja, kominn nýr dagur með fullt af verkefnum. Það sem ég átti erfitt með að drattast á lappir í morgun. Eitthvað þreyttur (latur). Í dag er fyrirlestur fyrir hádegi og dæmatími eftir hádegi eins og hefur verið, en ekki á morgun. Þetta er síðasti dagur undirbúningsnámskeiðsins og út-að-versla-dagur. Á mánudag hefst svo kennsla eftir stundatöflu.
Prófið í gær gekk ágætlega, ég sat og leysti verkefni fram á síðustu mínútu. Eins gott að koma höndunum í form fyrir námstíðina, ég held ég fái harðsperrur (hassperur segja sumir) eftir gærdaginn.
Prófið í gær gekk ágætlega, ég sat og leysti verkefni fram á síðustu mínútu. Eins gott að koma höndunum í form fyrir námstíðina, ég held ég fái harðsperrur (hassperur segja sumir) eftir gærdaginn.
miðvikudagur, 27. ágúst 2003
Hin verndaða rútína stundatöflumannsins
Mér segir svo hugur um að nú sé að hefjast skólarútína. Ég hef undanfarið sótt undirbúningsnámskeið í reikningshaldi tvisvar á dag og þar af leiðandi í upphitunarformi fyrir alvöru lífsins. Á morgun verður skyndipróf úr námsefninu þannig að það er best að rifja upp í dag.
Á föstudaginn verður svo farið yfir prófið og svo byrjar skólinn á mánudaginn. Það er alltaf eitthvað gott við stundatöflur, námsáætlanir og svoleiðis, einhvers konar verndað umhverfi fyrir þá sem líður vel í rútínu.
Á föstudaginn verður svo farið yfir prófið og svo byrjar skólinn á mánudaginn. Það er alltaf eitthvað gott við stundatöflur, námsáætlanir og svoleiðis, einhvers konar verndað umhverfi fyrir þá sem líður vel í rútínu.
mánudagur, 25. ágúst 2003
Örlaukur
Á laugardaginn bjó ég til lauksúpu. Ég tel mig nú ekki vera neinn brautryðjanda í súpugerð en ég gerði hana frá a til ö í örbylgjuofninum. Þetta tók mig svona korter og árangurinn var alveg hreint firnafínn. Prófið bara sjálf.
Innihald:
450g laukur
50g smjör
2 msk maísmjöl
1 hnífsoddur cayenne pipar
2 grænmetisteningar
0,85 l af vatni
salt og pipar eftir smekk
rifinn ostur eftir smekk (frekar meiri en minni þó)
steinselja
Setjið smjörið í stóra skál (sem kemst þó í örbann) og bræðið á fullum styrk í eina mínútu. Á meðan skerið þið laukinn í þunnar sneiðar og hrærið við smjörið í skálinni og eldið í 4 mínútur á fullum styrk. Að þessum fjórum mínútum liðnum hellið þið vatninu út í skálina ásamt kryddi og þurrefnum og hendið inn í ofninn og hafið í fimm mínútur við fullan styrk. Stráið svo ostinum yfir, látið hann bráðna og skreytið með smá steinselju.
Innihald:
450g laukur
50g smjör
2 msk maísmjöl
1 hnífsoddur cayenne pipar
2 grænmetisteningar
0,85 l af vatni
salt og pipar eftir smekk
rifinn ostur eftir smekk (frekar meiri en minni þó)
steinselja
Setjið smjörið í stóra skál (sem kemst þó í örbann) og bræðið á fullum styrk í eina mínútu. Á meðan skerið þið laukinn í þunnar sneiðar og hrærið við smjörið í skálinni og eldið í 4 mínútur á fullum styrk. Að þessum fjórum mínútum liðnum hellið þið vatninu út í skálina ásamt kryddi og þurrefnum og hendið inn í ofninn og hafið í fimm mínútur við fullan styrk. Stráið svo ostinum yfir, látið hann bráðna og skreytið með smá steinselju.
sunnudagur, 24. ágúst 2003
Myndaalbúm
Laugardagurinn leið ljúflega við Enyusöng og afslöppun. Við fórum ekki einu sinni út úr húsi fyrri part dags, við vorum svo löt. Ég bakaði að vísu bananabrauð sem etið var með bestu lyst auk smjörs og osts.
Við vorum þó ekki með öllu aðgerðalaus; Baldur lærði heima fyrir þetta undirbúningsnámskeið í reikningshaldi og ég tók mig til og gróf upp gömul myndaalbúm. Ætlunarverk mitt var að finna pláss fyrir nýju myndirnar sem við vorum að fá úr framköllun.
Þetta voru þrjú albúm sem um var að ræða, eitt frá mér, eitt frá Baldri og eitt sem var alveg tómt. Þar sem ég er dottin úr þjálfun við að raða myndum í albúm tók það mig smá tíma að skipuleggja hvernig best væri að raða myndunum.
Ég komst loksins að eftirfarandi niðurstöðu: Myndirnar af jólunum 2000 fóru í mitt albúm og allar hinar myndirnar af okkur Baldri fóru í Baldurs albúm og svo auðvitað nýja albúmið. Þetta voru myndir af Fríðu Sól og Kisu, ferðinni okkar um Norðurland sumarið 2001 og svo myndir af 17. júní sama ár.
Það var afskaplega gaman að skoða þessar gömlu/nýju myndir og í leiðinni renndi ég yfir myndir sem þegar voru komnar í albúm, myndir af tilhugalífi okkar Baldurs og fyrstu sambúðarvikum.
Síðan þessar myndir hafa verið teknar höfum við ekki tekið fleiri myndir á filmu enda fengum við stafrænu vélina í júní 2001 og bara tekið á hana síðan. Það þarf þó ekki að þýða að við hættum að raða í myndaalbúm, mér finnst það nefnilega gaman og gott að geta gripið í þau þegar gesti ber að garði. Nú þarf bara að fara að velja myndir til útprentunar og bretta upp ermar, raða, líma, raða, líma.
Við vorum þó ekki með öllu aðgerðalaus; Baldur lærði heima fyrir þetta undirbúningsnámskeið í reikningshaldi og ég tók mig til og gróf upp gömul myndaalbúm. Ætlunarverk mitt var að finna pláss fyrir nýju myndirnar sem við vorum að fá úr framköllun.
Þetta voru þrjú albúm sem um var að ræða, eitt frá mér, eitt frá Baldri og eitt sem var alveg tómt. Þar sem ég er dottin úr þjálfun við að raða myndum í albúm tók það mig smá tíma að skipuleggja hvernig best væri að raða myndunum.
Ég komst loksins að eftirfarandi niðurstöðu: Myndirnar af jólunum 2000 fóru í mitt albúm og allar hinar myndirnar af okkur Baldri fóru í Baldurs albúm og svo auðvitað nýja albúmið. Þetta voru myndir af Fríðu Sól og Kisu, ferðinni okkar um Norðurland sumarið 2001 og svo myndir af 17. júní sama ár.
Það var afskaplega gaman að skoða þessar gömlu/nýju myndir og í leiðinni renndi ég yfir myndir sem þegar voru komnar í albúm, myndir af tilhugalífi okkar Baldurs og fyrstu sambúðarvikum.
Síðan þessar myndir hafa verið teknar höfum við ekki tekið fleiri myndir á filmu enda fengum við stafrænu vélina í júní 2001 og bara tekið á hana síðan. Það þarf þó ekki að þýða að við hættum að raða í myndaalbúm, mér finnst það nefnilega gaman og gott að geta gripið í þau þegar gesti ber að garði. Nú þarf bara að fara að velja myndir til útprentunar og bretta upp ermar, raða, líma, raða, líma.
fimmtudagur, 21. ágúst 2003
Bláber
Já þetta gekk allt saman eftir. Við fórum upp í Munaðarnes í gær og tíndum fullt, fullt, fuuullt af bláberjum, bökuðum vöfflur og átum helling af bláberjum en það hafði ekkert að segja. Við þurfum að halda vel á spöðunum í dag og á morgun og eta bláber.
Ekki hringja, ekki reyna að tala við mig ég verð upptekinn næstu tvo daga. Ég þarf að eta bláber.
Ekki hringja, ekki reyna að tala við mig ég verð upptekinn næstu tvo daga. Ég þarf að eta bláber.
miðvikudagur, 20. ágúst 2003
Berjamó
Okkur fannst svo gaman í berjamó sunnudaginn seinasta að ákveðið hefur verið að fara aftur upp í Munaðarnes seinni part dags í dag og tína ber við Paradísarlaut. Oh, hvor det er dejligt!
Ég ætla bara að tína bláber því ég fíla ekki krækiber. Svo ætlum við að baka vöfflur og fá okkur bláber ofan á og kannski smá hlynsíróp og rjóma. Namm.
Ég ætla bara að tína bláber því ég fíla ekki krækiber. Svo ætlum við að baka vöfflur og fá okkur bláber ofan á og kannski smá hlynsíróp og rjóma. Namm.
Sokkar
Ekki voru nú vandræði að finna á mig sokka, ég fékk heil sex pör.
Nú er ég í frímínútum og ákvað að nota tímann í smáblogg. Í gærkvöldi heimsótti ég Pétur afa og Dag. Var margt spjallað og fór ég heim með tvo fulla Hagkaup-size poka af dýrindis grænmeti.
Þar sem ég á nú svo mikið grænmeti fór ég í smá tilraunir. Fyrsta tilraun var grænkáls og brokkólí safi sem ég drakk í morgunmat. Vægast sagt kraftafæði.
Nú er ég í frímínútum og ákvað að nota tímann í smáblogg. Í gærkvöldi heimsótti ég Pétur afa og Dag. Var margt spjallað og fór ég heim með tvo fulla Hagkaup-size poka af dýrindis grænmeti.
Þar sem ég á nú svo mikið grænmeti fór ég í smá tilraunir. Fyrsta tilraun var grænkáls og brokkólí safi sem ég drakk í morgunmat. Vægast sagt kraftafæði.
þriðjudagur, 19. ágúst 2003
Sokkar úr fortíðinni
Ég er búin að eyða lungann úr deginum í að lesa gamlar dagbókarfærslur okkar Baldurs og ó, það er svo gaman!
Ein skemmtileg tilviljun, við hjónakorn vorum búin að ákveða að fara í Europris í dag eftir vinnu og birgja okkur (þ.e.a.s. mig) upp af sokkum á tilboði. Baldur heimtar reyndar líka að fá sokka en maðurinn er svo stórfættur að það er ekki hægt að segja að hann sé maur! (einkahúmor) Við ætlum reyndar að nýta ferðina og kaupa tómata í leiðinni því í verslunarferðinni í Bónus í gær voru ekki til tómatar, appelsínur og gulrætur. Hneisa.
Hvað um það, tilviljunin er þessi: Áðan í nostalgíukastinu las ég þessa færslu um ferð okkar í fyrrnefnda verslun þar sem svipaður varningur rataði ofan í kerruna og mér líst hreint ekki á blikuna. Ættum við að hætta okkur á þessar slóðir aftur eða eigum við að gera það sem brennt barn gerir ávallt, þ.e. að forðast Europris?
P.s. Mig langar ógurlega mikið í nýja sokka svo allt bendir til þess að við brennum okkur, æ.
Ein skemmtileg tilviljun, við hjónakorn vorum búin að ákveða að fara í Europris í dag eftir vinnu og birgja okkur (þ.e.a.s. mig) upp af sokkum á tilboði. Baldur heimtar reyndar líka að fá sokka en maðurinn er svo stórfættur að það er ekki hægt að segja að hann sé maur! (einkahúmor) Við ætlum reyndar að nýta ferðina og kaupa tómata í leiðinni því í verslunarferðinni í Bónus í gær voru ekki til tómatar, appelsínur og gulrætur. Hneisa.
Hvað um það, tilviljunin er þessi: Áðan í nostalgíukastinu las ég þessa færslu um ferð okkar í fyrrnefnda verslun þar sem svipaður varningur rataði ofan í kerruna og mér líst hreint ekki á blikuna. Ættum við að hætta okkur á þessar slóðir aftur eða eigum við að gera það sem brennt barn gerir ávallt, þ.e. að forðast Europris?
P.s. Mig langar ógurlega mikið í nýja sokka svo allt bendir til þess að við brennum okkur, æ.
Gerast áskrifandi að:
Færslur (Atom)